Ketre Aqane Inyië Ka Draië Catr​—Nemene La Aqane Inyië Cili?

“Hetrenyi la itre xaa atr hna xöj ka thaa xomi madra kö, lolo catre la thangane la aqane inyië ka draië cili nge nyine tro hi a amamane laka, ijije hi troa inyië tune lai.” Celë hi hna qaja hnei Michael Rose, ketre droketre ka cilën la ketre pital nge ame la huliwa i Nyidrë, tre, troa thine amekölene la itre hna troa xöj. Nemene la itre aqane troa inyiën la itre ka wezipo ka thaa ajane kö troa xomi madra? Nyipi ewekë troa atre la itre ithuemacanyi göi itre drösinöe me aqane troa ixöj, matre troa atreine axecië mekun. Goeëne jë la video, Pas de sang : la médecine relève le défi. Thupene lai, tupathe jë la atrehmekune i epuni jëne la itre hnyinge celë.​— Ithuemacany: Pine laka kola amaman hnene la video la itre xaa aqane xöj la itre atr, haawe qanyi itre keme me thine kö troa axeciën maine thaa tro pë hë la itre nekönatr a hane goeën la itre götrane cili.

(1) Nemene la sipu kepin matre kola thipetrij hnene la Itretre Anyipici Iehova troa xom me hamë madra? (2) Ame göi inyië thei droketre, nemene la aja ka eje the së Itretre Anyipici Iehova? (3) Nemene la ewekë ka meköti ka eje thene la itre ka wezipo? (4) Pine nemen matre mekune ka loi nge hni ka inamacan la troa thipetrij la xome me hamë madra? (5) Maine tru la madra ka neni, nemene la lue nyine troa canga kuca hnene la itre droketre? (6) Nemene la foa la aqane troa inyië e tröne la xomi madra? (7) Tune kaa la aqane tro la itre droketre a (a) kuca matre troa co la madra ka neni, (b) xeene la itre globules rouges, (c) kuca matre troa acatrene la madra, (d) nyihnane hmaca la madra ka neni? (8) Qeje pengöne jë la aqane inyië hna hape, (a) hemodilution me (b) madra hna thiane qa ngöne la ketre eatr. (9) Nemene la nyine tro sa atre hnyawa ngöne la itre xaa jëne troa neën la xomi madra? (10) Hapeu, ijije kö troa xöj la ketre atr nge thaa tro kö a hamë madra koi angeic, ngacama tru me jol la hna xöji angeic? (11) Nemene la ewekë ka ixatua hna kuca hnene la itre droketre?

Tune la hna amamane ngöne la video göi troa kapa la itre xaa drösinöe, hna hape isa qanyi së kö troa axeciëne hnyawa la mekun thenge la mekuthethewe së hna inin hnei Tusi Hmitrötr. Hane kö epuni axecië mekun göne la itre aqane inyië e tröne la xomi madra, koi epuni me haa nekö i epun? Loi e tro mina fe a thuemacane hnyawa la itre atrene la fami i epuni ka thaa Temoë kö, la itre mekune hnei epuni hna axeciën memine la itre kepine itre ej.​—Wange ju la zonal La Tour de Garde ne 15 Juun 2004 ngöne “ Questions des lecteurs ,” me 15 Okotropa 2000.