Ijijinge Kö Troa Cainöj?
1. Pine nemene matre loi e thaa tro kö sa mekun, ka hape, thaa ijiji së kö troa hane cainöj?
1 Maine hnei epuni hë hna isa hnyinge tune la, tre, the hnehengazo menu kö! Thaa hnene kö laka, ka trene pepa së maine pena ka maca kö së qaane la easa co, ke tro ha aijijë së troa cainöj. Hetrenyi thene la itretre drei Iesu ekö ka “tha ’te tus me tha hna inin.” Ngo itre atr ka maca angatr troa cainöjëne la maca ka loi, pine laka eje e kuhu hni angatr la aja ka catr troa xötrethenge la tulu i Iesu.—Ite Hu. 4:13; 1 Pet. 2:21.
2. Nemene la itre xaa pengöne aqane hamë ini i Iesu?
2 Aqane Hamë Ini i Iesu: Ame la aqane hamë ini i Iesu, tre, ka nualai hnyawa, nge ka ihmeku memine la aqane mele ne la atr. Canga tro hi la itre hnyinge i nyidrë me itre ceitun, memine la itre mekune ka nyiqaane la porotrike i nyidrë, a ahlëne la aja ne la itre ka dreng. (Mat. 6:26) Hnei nyidrëti mina fe hna wanga atrune la itre atr. (Mat. 14:14) Ketre, hnei Iesu hna ithanata cememine la mejiun me mus, ke, atre hnyawa hi nyidrëti laka, hnei Iehova hna ahnithe koi nyidrë la ketre hnëqa, me hamë nyidrë la men troa eatrëne lai.—Luka 4:18.
3. Iehova a xatua së tune kaa troa eatrëne la huliwa ne cainöje së?
3 Iehova a Xatua Së: Jëne la Wesi Ula me organizasio i Nyidrë, kola ini së hnene la Atre Hamë Ini Ka Sisitria matre troa cainöjëne hnyawa la maca ka loi. (Is. 54:13) Pine laka hnei Iehova hna edromëne la aqane hamë ini i Iesu, haawe, ijije tro sa wai pengöne hnyawa me nyitipune la itre aqane hamë ini i nyidrë. Iehova mina fe a hamë së la uati hmitrötre i Nyidrë, me ini së jëne la itre icasikeu ne la ekalesia. (Ioane 14:26) Ketre, Nyidrëti a hamëne la itre trejine ka maca matre troa xatua së troa hetre thangane la aqane cainöje së.
4. Pine nemene matre nyimu kepin matre ijiji së troa cainöje kowe la itre xaa atr?
4 Nyimu kepin matre ijiji së troa cainöj pine laka ‘qaathei Akötresie la atreine së.’ (2 Kor. 3:5) Maine tro pala hi sa mejiune koi Iehova me huliwane hnyawa la itre hnei Nyidrëti hna hnëkën cememine la ihnim, haawe, tro hë së a itre atr hna “hnëkëne . . . thatraqane la nöjei huliwa ka loi asëjëihë.”—2 Tim. 3:17.