Epuni Kö a Amamane La Aqane Troa Inine La Tusi Hmitrötr Ngöne La Xötrei?

Ame ngöne la easa hnyingëne kowe la itre atr, maine aja i angatr troa ini Tusi Hmitrötr me easë, tre, itre xan a thipën, nge öni itre xan, ka hape, ka inine fe hë angatr la Tusi Hmitrötr. Pine laka thatre kö angatr la aqane inine së la Tusi Hmitrötr, nge isa pengöne kö me itre xaa hmi, haawe, thaa tro jë kö angatr a öhne la enyipiewekëne memine la elolone la aqane ini cili. Qa ngöne lai, ame ngöne la easa xötrei öhne la atr, ma loi e tro hi sa xome la itre hnepe menetre matre troa amamane koi angeic la aqane troa inine la Tusi Hmitrötr, ngo thaa tro kö a hnyingë angeic maine aja i angeice fe troa hane inine la Tusi Hmitrötr. Drei la ketre ceitun: Thaa tro kö nyipunie a qaja hi kowe la ketre atr, ka hape, ketre atr ka atreine kuci xeni nyipunie, nge qanyi nyipunieti hmaca ha memine la ketre trepe xen; ngo pane iamacanyine jë koi angeic! Drei la aqane tro nyipunieti a kuca ngöne la itre hnepe menetre hi, nge xome jë la ketre mekune nyine ixatua hna amë ngöne la götrane 6 ne la Huliwa Ne Baselaia ne Januare 2006:

“Hapeue la mekuna i nyipë, tro kö a eatre elany la trenge ewekë celë? [E jë la Isaia 33:24, nge nue pi troa sa.] Eni a pi amamane koi nyipë la ketre ewekë ka sisitria ngöne la mekune cili.” Hamëne jë kowe la atrene la hnalapa la itus Ini Tusi Hmitrötr, nge amamane jë koi angeic la paragarafe 22 ngöne la götrane 36. E jë la hnying ka eje e cahu fene lai götran, nge qaja jë kowe la atr troa thele la mekune ka sa lai hnying ngöne la nyipunieti a e la paragaraf. Thupene lai, e hmaca jë la hnying, nge drenge hnyawa ju la mekune hna qaja hnei angeic. Ce e jë epon la ketre xötr hna hamën. Amejëne jë la ketre hnying thatraqane la ketre iwaihmacai nyipunie, nge isa pui jë göi troa bëeke hmaca. Ame e celë, asë hë nyipunieti nyiqaane inine la Tusi Hmitrötr memine la ketre atr!