Casi Hi La Mekune Hna Amaman, Ngo Lue Zonale Hna Hamën

Nyimu tane mekune ka lolo e kuhu hnine la itre zonale së. Qa ngöne lai, maine easa cainöje kowe la atrene la ketre hnalapa, epi the tro kö sa amamane asë koi angeic la itre tane mekun, ngo ithanatane ju pe së la cas. Maine ka macameke së, nge atre hnyawa ha së la aliene la itre zonale së, ijije tro sa iëne la ca tane mekune qa ngöne la Ita Ne Thup maine Réveillez-vous ! pena. Maine easa öhne ngöne la ketre hnalapa la itre nyimo i ha nekönatr, ijije tro sa iëne ngöne la ketre ne la lue zonale cili, la ketre tane mekune ka ithanatane la pengöne la mele ne la hnepe lapa. Maine trahmanyi la ka fe qëhnelö koi së, ijije tro sa amamane koi nyidrëti la ketre tane mekune hnei nyidrëti hna ajane troa ithanatan, ka tune la pengöne la musi ka loi. Ngacama casi hi la tane mekune hne së hna amamane kowe la atrene la ketre hnalapa, ngo maine pi tro hi angeic a e la zonal, epi tro sa line koi angeice la Ita Ne Thup me Réveillez-vous !.