Ketre Nyikeine Ka Tru
1. Eue la easa nyiqaane hëne la itre atr göne la asabele ne 2014?
1 Ame la easa hëne la itre sinee së troa ce xeni me easë, tre tru catre la huliwa nyine troa pane kuca, ngo tru catre fe la trenge madrine së, la easa hë angatr. Ceitune hi lai memine la ketre nyikeine ka tru ngöne la götrane la u hna nyiqaane hnëkëne hë; ijine asabele ne distrik 2014, me asabele ka tru. Ame lai köni wiike qëmekene la nyikeine cili, kola nue së troa pane hëne la itre atr, matre tro fe angatr a hane sine lai asabele. Nemene la ka troa thue madrine koi së, ngöne la easa troa hëne la itre atr?
2. Nemene la ka troa thue aja së troa hëne la itre atr?
2 Tro hë së lai a hetre aja troa hëne la itre atr, e tro sa mekune la itre thangane ka loi hne së kö hna troa sipu kapa, qa ngöne la göxeni ne la u hnei Iehova hna hnëkëne thatraqai së ngöne la itre ijine asabele. (Is. 65:13, 14) Loi e tro fe sa mekune ka hape, ka hetre thangane pala hi e nöjei macatre la easa hëne la itre atr. Tro fe la itre xa atr hne së hna hën a traqa troa hane ce sine me easë lai asabele. Thatre kö së ka hape, drei la ka troa kapa maine thipën, ngo atre hi së laka, tro la huliwa së ne ihë a atrunyi Iehova, me amamane la aqane hame i Nyidrë.—Sal. 145:3, 7; Hna ama. 22:17.
3. Troa tro fë tune kaa la itre pepa ne ihë?
3 Qâne la lapa ne la itre qatre thup troa amekötine la aqane troa ihë; maine troa nue la itre pepa kowe la itre ka patre pala ha ngöne la hnalapa, maine tro fe a hane hamëne kowe la itre atr e cahu hne së hna tro. Ame e Mecixeni me Sabath, tro sa tro fë lai pepa ne ihë, nge maine ijije hi, tro fe a liine lo lue zonal. Maine easa tro fë la itre pepa ne ihë hmekune la pane Mecixeni ne la treu, loi e tro sa pane tro fë la itre pepa ne ihë, nge pine pë hë la troa tupath troa nyiqaane ini Tus memine la itre atr. Ame hë la kola umuthe la huliwa ne ihë, tro kö së lai a melëne la madrine ka xulu qa ngöne la hna hëne la itre atr ka troa ce kapa me easë la göxeni ne la u, qaathei Iehova!