Easa Nyiqaane Ihë e Drai 22 Maac

Ame e Mecixen 22 Maac ne la macatre celë, easa nyiqaane hëne la itre atr troa hane sine la Drai Ne Amekunën. Kola ithuecatre koi easë asë troa hëne la itre atr. Mekune fe kö hamëne la itre zonale e ijij. Ame ngöne la pane Mecixeni ne Eiperem, troa tro pane la huliwa ne tro fë pepa ne ihë, nge pine pë hë la troa nyiqaane ini Tusi me itre atr. Ngo maine easa iöhnyi memine la ketre atr ka ajane troa porotrikë Tusi Hmitrötr, tro kö sa tupath troa nyiqaane ini Tusi Hmitrötr me angeic. Tro kö la atre thupëne la huliwa ne cainöj a wang, maine nyipi ewekë fe troa hamë pepa ne ihë ngöne la hne së hna tro, göi troa ketr asë la itre atr ne la götrane hne së hna cainöje ngön. Mekune fe kö fejane ngöne la ketre sine pepa, la ëje ne la itre atr hne së hna atre, matre troa canga hë angatr, ngöne la ijine kola xejë la huliwa ne ihë; ka tune la itre sinee, me itre sine ini, me itre atr hne së hna lapaa wange hmaca. Ame la aja së ka tru, tre ene la troa ce traqa itronyi me easë hnene la ka ala nyim, matre tro easë asë a mekune hmaca la lue hatrene ihnimi ka tru.—Ioane 3:16; 15:13.