MELE NE KERESIANO
Eu La Ijine Tro Ni a Hane Xome La Huliwa Ne Pionie Ka Ixatua?
Kola amamane ngöne la hna meköle goeëne hnei Ezekiela ka hape, tro la nöje i Iehova a kuca xanëne la itre huuj. Nemene la nyine tro sa kuca, matre ketre sipu hamëne la itre huuje ne atrunyi Akötresie?—Heberu 13:15, 16.
Ame la ketre aqane, ke ene la troa xome la huliwa ne pionie ka ixatua. Ame ngöne la macatre 2018, tre, hetrenyi ngöne la itre treu la faifi lao Mecixen me Sabath. Ka lolo catre lai kowe lo itre ka huliwa ngöne la drai ka pexej me ka cainöje hi ngöne la pune wiik. Ijije hi tro angatr a iëne troa cainöje ngöne la 30 maine 50 lao hawa ngöne la itre treu Maac me Eiperem, me ngöne ijine kola traqa hnei atre thupëne la sirkoskripsio.
Maine tha ijiji së kö troa xome la huliwa ne pionie ka ixatua, nemene la nyine tro sa kuca? Loi e tro sa thele troa maca ngöne la aqane cainöje së, me thele troa catre cainöj. Ngacama ka isa pengöne la itre aqane mele së, ngo tro la ihnimi së koi Iehova a upi së troa catre huliwa koi Nyidrë ngöne la macatre 2018! —Hosea 14:2.
Nemene la aqane tro ni a nyitipu Sabina Hernández göne la troa catre cainöj?
GOEËNE JË LA VIDEO HNA HAPE, GRÂCE À JÉHOVAH, JE PEUX PRESQUE TOUT FAIRE, NGE HNYINGE JË KA HAPE:
Nemene la ka upi Sabina troa catre cainöj?
Nemene la aqane ithuecatre koi së hnene la tulu i Sabina?
Ame ngöne la macatre 2018, nemene la treu hne së hna iën matre troa hane xome la huliwa ne pionie ka ixatua?