Aqane Nyiqaane Ithanata Jëne La Itre Tarak

Qaane lo treu Januare 2018, hetreny ngöne la icetröne ne la Mel Me Huliwa Ne Cainöj Pepa Nyine Huliwan, la itre tulu ne aqane nyiqaane ithanata. Kola thuecatre koi së troa ithanata memine la itre atr hune la troa hamë itusi hi. Ketre, kola xatuane la itre ka cainöj troa amacane la aqane tro angatr a nyiqaane ithanata. Celë hi matre, hetre itre video ka amamane la aqane troa nyiqaane ithanata jëne la Tusi Hmitrötr. Ngo kolo kö lai a hape, tha tro hmaca kö së huliwane la itre itus, la easa cainöje ngöne la itre hnalapa trootro? Waea! Ka lolo la itre tarak ngöne la easa nyiqaane ithanata. Ijiji së troa xötrethenge cahu tulu ngöne la easa huliwane la ketre tarak:

1. Xome jë la hnyinge ka mama ngöne la icetrön.

2. Amamane jë la (itre) xötr ne la Tusi Hmitrötr ka sa lai hnyinge ngöne la hnaaluene götrane la tarak. Maine hetre ijin, e jë me ithanatane jë la itre xaa mekune ka mama e hnine lai tarak.

3. Hamëne jë lai tarak kowe la atr, nge ithuecatre jë koi angeic troa e asë.

4. Qëmekene troa tro, qaja jë la hnying ka mama fene la hna hape, “Tune Kaa La Mekuna i Epun” nge tro pë hë a sa lai hnyinge jëne la Tusi Hmitrötr e ketre ijin.

Ame la epuni a bëeke hmaca, ithanatane jë la mekune ka sa lo hnying, nge amexeje jë la ketre hnyinge göi troa sisedrëne la porotrik. Ijiji epuni hi troa iëne la ketre hnyinge hnine la site së maine hnine la zonal ka mama ngöne la pune lai tarak. Ame hë e ketre ijine, amamane jë la boroshür Itre Maca Ka Lolo Qaathei Akötresie! maine ketre itus ne ini tus qa ngöne la Hnë Ami Tusi Së.