Aja i Eö Kö Troa Hane Sine La Ini Koi Itre Ka Cainöj?

Maine 23 koi 65 lao macatre i eö, nge eö a huliwa drai ka pexej koi Iehova, nge e pëkö sine meci eö, nge ijiji eö troa fek kowe la ketre götrane ka aja i xatua, haawe, ijiji eö fe troa nyialiene la pepa ne sipo göi troa sine la Ini Koi Itre Ka Cainöj. Tru hnei trefëne me itre trejin ka tha faipoipo kö ka saen. Ame pe, kola ajane catrëne la itre trejin trahmany ka tha faipoipo kö troa hane sine la ini celë. Haawe, sipone jë koi Iehova troa thue aja i eö troa amadrinë Nyidrë me nyitipu Iesu. (Sa 40:8; Ma 20:28; He 10:7) Pane mekune jë la aqane tro eö a ahmaloeëne la mele i eö, matre tro fe eö a hane saen.

Thupene la hna sine la ini, nemene la itre xa huliwa hna aijijë eö troa kuca? Ame itre xan, hna upi angatre kowe la ketre götrane la nöj ka qaja ka ketre qene hlapa, nge ame itre xan, hna upi angatre troa cainöj ngöne la itre traone ka tru. Ame itre xan, angatr a xatuane la atre thupëne la sirkoskripsio. Nge itre xan a xom la huliwa ne atre thupëne la sirkoskripsio maine mesinare pena. Ame la eö a lapa mekune la itre huliwa celë, mekune ju la itre trengewekë i Isaia hna hape,“Eni hi la! Upi ni jë!”—Isa 6:8, MN

GOEËNE JË LA VIDEO HNA HAPE, ITRE MESINARE—ITRE KA HULIWA NGÖNE LA IJINE MENU, NGE SA JË CAHU ITRE HNYING:

• 

  Hna iëne tune kaa la itre mesinare?

• 

  Nemene la huliwa ka lolo hna kuca hnene la itre mesinare?

• 

  Nemene la itre xa manathith hna kapa hnene la itre mesinare?