Thele Jë La Ini Qaathei Akötresie

ENYIPIEWEKËN: Sisitria la ini qaathei Iehova, lo Atre Ini Ka Tru. Nyidrëti a ini së la aqane tro sa hetre mele ka loi, me hnëkë së kowe la mele së elany. Ame ngöne la ijine cili, tha tro hmaca kö sa nyithupene la ini! (Is. 11:6-9; 30:20, 21; Hna ama. 22:17) Jëne la ini hne së hna kapa qaathei Iehova, Nyidrëti a hnëkë së matre atreine së tro fë la maca ne iamele kowe la itre xaa atr.—2Kor 3:5.

AQANE TROA KUCA:

• Loi e troa hetre hni ne ipië, me menyik.—Sal 25:8, 9

• Thele jë troa kepe thangane qa ngöne la ini hna hamëne hnei Iehova. Kapa jë la itre hnëqa hna hamëne ngöne la icasikeu e nyipine wiik

• Thele jë la itre xaa aqane troa akökötrene la huliwa i epun koi Iehova, nge hnëkë jë matre troa eatrën.—Fil 3:13

• Kuca asë jë la hnei epuni hna atreine matre troa kökötre ngöne la huliwa i Iehova.—Fil 3:8

GOEËNE JË LA VIDEO HNA HAPE TRO SA KEPE THANGANE QA NGÖNE LA ITRE INI QAATHEI IEHOVA. THUPENE LAI, SA JË CAHU ITRE HNYING:

• Nemene la itre jol hna cile kow hnene la itre ka sine la Ini Koi Itre Ka Cainöj?

• Nemene pengöne ini hna hamëne hnene la Ini Koi Itre Ka Cainöj?

• Nemene la aqane tro la ekalesia a xatuane la itre ka sine la ini cili ngöne la hnëqa i angatr?

• Nemene la nyine troa kuca matre troa hane sine la Ini Koi Itre Ka Cainöj? (kr 188)

• Nemene la itre xaa ini ka ej e hnine la organizasio i Iehova?