“Ixatua Ngöne La Ijine Ka Cei Tun”
1 Drei la eloine la troa kapa la ketre ixatua ka ijij, ngöne la ijine easë a ajane ej! (Heb. 4:16) Ngöne lo Kovasio ne Distrik, “Itretre Trofë La Maca Ne Tingetinge i Akötresie,” easë a madrine la lue göxeni ka tru nyine ixatua, a hna kapa ngöne la ijine ka ijij.
2 Kola traqa ngöne la ketre ijine ka ijij, la itusi ka hnyipixe, Le secret du bonheur familial. Eje a qaja atrune la foa lao mekune ka tru, jëne manathithi kowe la mele ne trefën: (1) Xome hnöth, (2) ipië kowe la mus, (3) ifekeune hnyawa la itre mekun, me (4) ihnim. Tro la eamo e hnine la itus Bonheur familial a xatuane la nöjei fami asë ka trongëne ej, troa hetrenyi la tingetinge qa thei Akötresie. Ami ijine ju troa e hnyawa la itusi ka hnyipixe me ce inine eje memine la fami. Thele jë troa atrepengöne hnyawa la aliene ej, matre hnëkë epuni troa amamane hnyawa eje kowe la itre atr e treu maac, ijine kola troa xötrei trofë ej.
3 Ketre tune fe la boroshüre ka hnyipixe, Nemene La Hnei Akötresieti Hna Thele The Së?, eje a traqa ngöne la ijine ka ijj, matre ixatua göi troa nyimenyimëne la huliwa ne inine la nöjei atr. Maine nyipici laka, ketre ixatua ka tru la boroshüre celë kowe itre atr ka thatreine hnyawa kö e tus, ngo troa hetre thangane catre fe kowe la itre ka tru me itre nekönatre ngöne laka, thaa jole kö la aqane qeje pengöne la itre trepene ini qa hnine la Tusi Hmitrötr. Ma celë hmekuje hi la ewekë hna ajane nyine troa nyiqaane la etid, kösë ketre ija kowe la itus Connaissance. Atraqatre la mejiune laka, ketre itusi la ka troa xatuane pala hi la ka alanyim, troa madrine la aqane tro angatre a kepe thangane ka lolo, e hna kuca la aja i Akötresie.
4 Hnei Davita hna fe amamane hnyawa la itre aliene la hni së ngöne la nyidrë a qaja ka hape ‘thaa tro kö angeice a pë ewekë, hna ahmacane la u i nyidrë, nge hna nua la inege i nyidrë!’ (Sal. 23:1, 3, 5) Loi e tro së a thele troa ithawakeune la ixatua ka ceminge celë ngöne la ua, kowe la itre atr ka alanyim, a ka thele ngöne la hni ka ajane troa hane atre me nyihluene la nyipi Akötresie, ene Iehova.