Ini Ne Cainöje Trootro Qaathei Akötresie Göi Macatre 2001
1 Nyimutre catre la itre kepine matre, loi e tro së a catre sine me eatrëne la hnëqa së ngöne la Ini Ne Cainöje Trootro Qaathei Akötresie.—Ite edomë 15:23; Mat. 28:19, 20; Ite Huliwa 15:32; 1 Tim. 4:12, 13; 2 Tim. 2:2; 1 Pet. 3:15.
2 Ame la porogarame ne e Tusi Hmitrötre e nöjei wiik, ke, ketre götrane la ini lai ka hekö. Kola upi së troa e la caa götrane ne la Tusi Hmitrötre e nöjei drai. Ngöne la macatre celë, ke, hna amë mina fe hnine la porogarame la itre mekene Tusi Hmitrötr, nyine e ngöne la nöjei wiik. Ame lo itre xötre ne Tusi Hmitrötre nyine e hna nyi xan, lo hna amekötine ngöne lo köni macatre ka ase hë, ke, fenesi hë itre ej. Ngo maine nyipunieti a ajane troa e la itre xaa mekene tusi nyine nyi xane lo hna amekötin, ke, tro pë hë së a isa kuca la itre sipu porogarame ne e tus.
3 Kola xatuane la itre trejine jëne la hnëqa Na. 2 troa “e tusi,” ene la Wesi Ula i Akötresie koi nöjei atr. (1 Tim. 4:13) Maine hetre hnëqa i nyipunie göi e tus, ke, e catrëne jë, nge loi e troa e lapaan. Ijije fe to nyipunie a xome la itre kaset ne la sasaiatri, me nyitipune la kola e Tusi Hmitrötr, matre xatua nyipunie troa qaja hnyawa la itre hnëewekë, me nine ithahnata, me itre xaa götrane ju kö, göi troa e hnyawane la Tusi Hmitrötr.
4 Hna hneatrepene la itre hnëqa Na. 3 me 4 hune la itus Comment raisonner, nge hna hnëkëne la itusi celë thatraqane la huliwa ne cainöj. Maine nyimutre catre pala ha hnei itre mekune nyine wange ngöne hi la hnepe traeme hna sa thatraqane la hnëqa i nyipunie, ke, iëne jë hi la itre mekune ka troa hetre thangane ka loi kowe la teritoare ne la ekalesia i nyipunie. Iëne jë la aqane troa cainöj, ka ihmeku memine la hna majemine kuca ngöne la teritoare i nyipunie.
5 Thele jë troa catre eatrëne la itre hnëqa i nyipunie ngöne la hna ini. Ami traeme ju troa hnëkë hnyawa, nge loi e qa kuhu hni la itre hna troa qaja. Tro hë nyipunie a ketre qeqe ne ithuecatre kowe la ekalesia, nge tro fe nyipunie a ketre kepe thangane ka loi qa ngöne la itre hnëqa hnei nyipunieti hna kuca cememine la hni ka pexej, ngöne la Ini Ne Cainöje Trootro Qaathei Akötresie, ngöne la macatre 2001.