Riɛl ë Puɔ̈u

Kën ë Cïï Yecu Looi

BIDEO: Yecu Awëët Raanthiin ë Bɛ̈ny Nɔŋ Kajuëc

1. Ɣoi BIDEO, awu kuen Mak 10:17-22. Ku jälkë thiëc bɔ̈ jäämiic:

1. Ye kït piɛɛth kou ë ke cïï Yecu ke dhiɛl tïŋ tënë raanthiin ë bɛ̈ny kënë?

2. Ye wɛ̈tŋö ë wïc Yecu bï naŋ nhiëër ku riɛl ë puɔ̈u bïï yen ë mony kënë jäl wɛ̈ɛ̈t?

Yeŋö Buk Piɔ̈ɔ̈c Tënë Yecu?

2. Awïc ɣok buk nhiëër nyuɔɔth tënë raan yeku piɔ̈ɔ̈c ku awïc ɣok aya buk laaric apiɛth kë lëu bï looi bï lɔ tueŋ ke cut rot Yekoba.

Kiɛ̈ɛ̈të Yecu

3. Kuɔny raandun ye piɔ̈ɔ̈c bï kuɛny kä bï ke looi ku thöl keek ë luɔi.

1. Luɔ̈ɔ̈i baŋ “Yɔ̈p Wël Juëc Kɔ̈k” cï nyuɔɔth athördan Pïïrë Ke Yï Mitpuɔ̈u Athɛɛr! yic.

2. Kuɔny raandun ye piɔ̈ɔ̈c bï deetic të lëu bïï yen kä cï ke kuany luɔɔi thïn, käthii lëu bï ke looi ëmën ku kädït lëu bï ke looi ë dhaman bï bɛ̈n tueŋ.

3. Ye raandun ye piɔ̈ɔ̈c leec ë dhaman thok ëbën ë käken piɛɛth ye ke looi.

4. Ŋic käk ë raandun ye piɔ̈ɔ̈c pëën bï lɔ tueŋ ku kuɔnyë bï keek tiaam.

1. Ye rot thiëëc:

   • ‘Na cïï raandiën ya piɔ̈ɔ̈c lɔ tueŋ bï luɔ̈i baptith, ke yeŋö ye pëën?’

   • Yeŋö lëu ba looi ba kuɔny?

2. Läŋë ba naŋ riɛl ë puɔ̈u ba raandun ye piɔ̈ɔ̈c lɛ̈k kë lëu bï looi ë kueer ë nhiëër.

5. Päl piööc ë Baibol ke kɔc ë wën cie lɔ tueŋ.

1. Them ba deetic nɔn le raandun ye piɔ̈ɔ̈c ë Baibol tueŋ ë kueer bïï yïn rot ya thiëëc:

   • ‘Nadɛ̈ ye kë ye piɔ̈ɔ̈c tääu ë pïïrde yic?’

   • ‘Nadɛ̈ ye lɔ amɛtmɛɛtiic ku ye këden cï piɔ̈ɔ̈c rɔm ke kɔc kɔ̈k?’

   • ‘Ku na cäk piööc ë Baibol looi we yen ë dhaman bääric, nadɛ̈ nhiɛɛr bï ya raan töŋ ë Ciëëtke Yekoba?’

2. Na cïï raan ye piɔ̈ɔ̈c ë Baibol wïc bï lɔ tueŋ:

   • Thiëc bï lɛ̈k yïn yeŋö ë ye pëën bï lɔ tueŋ.

   • Laaric tënë yen ë dhöl athɛ̈ɛ̈k wɛ̈t cïï yïn ye lɔc ba piööc ë Baibol cɔl akääc.

   • Lɛ̈k yen kë lëu bï looi të wïc yen en bï piööcden ë Baibol bɛ jɔɔk cöök.