PIÖÖC 4

Cök ke Baibol cï ke Ŋiɛc Luɔ̈ɔ̈i

Mathayo 22:41-45

JAM CIEKIC: Ke yï këc cöök ë Baibol guɔ kueen, kɔŋ kɔckun piŋ yïn kuɔny bïk deetic ye wɛ̈tŋö wïc yïn en ba kueen ë cöök kënë.

Kɔŋ yïnɔm tak, ye wɛ̈tŋö kueen yïn ë cöök kënë. Të nɔŋ en cöök ë Baibol wën nhiar ba luɔ̈ɔ̈i, ke ye ŋiɛc laaric apiɛth ë kueer lëu bï kɔc piŋ yïn kuɔny bïk kë jäämë yic deetic.

Kɔŋ tïŋ ye nɛn ë gɛ̈t yen, ku yeŋö ë cï rot looi. Të nɔŋ en kɔc cï jam ye cöök kënë yic, ke ye ke lueel rin, ku ye rin ë kɔc ke gɛ̈t buɔ̈k ke Baibol lueel aya.
Ye Baibol luɔ̈ɔ̈i bï ya yen wëët kɔc. Të jiɛɛm yïn we kɔc wën ye gam nɔn tɔ̈u ë Nhialic, ye ŋiɛc dɛ̈ɛ̈tic keek nɔn ye Baibol wɛ̈t ë Nhialic, ku të cïï yïn ye looi këya, kë ye jäl nyuɔ̈th keek nɔn ye kë piɔ̈ɔ̈cë keek wɛ̈t ë Nhialic.
Ye cöök ë Baibol ŋiɛc laaric apiɛth ë kueer bï kɔc gɔɔt puɔ̈th. Ye thiëc lëu bïï cök ke Baibol dhuknïïm thiëëc, luel kë rilic wën ë kɔc yök lëu bïï cöök ë Baibol ŋiɛc laaric, awu luel kääŋ wën ë cöök ë Baibol laaric.

Kɔŋ yïnɔm tak ë biäk kë wën thɛɛr ŋic kɔckun piŋ yïn, ku jɔl ya cöök ë Baibol kuen. Yïn lëu ba cöök ë Baibol wën thɛɛr ŋic kɔc ŋiɛc laaric ë kueer dik apɛi wën lëu bï kɔckun piŋ yïn kuɔny bïk ŋiɛc deetic awär të thɛɛr ë ye keek ye dɛɛtic thïn.