Liɛr ë Puɔ̈u

Kën ë Cïï Yecu Looi

BIDEO: Yecu Akony Mɛ̈nhë ke Lir Puɔ̈u

1. Ɣoi BIDEO, awu kuen Jɔn 7:3-5 ku 1 Korinthoi 15:3, 4, 7. Ku jälkë thiëc bɔ̈ jäämiic:

1. Yeŋö ë cïï wɛ̈tamäthkënë Yecu looi wään cïï yen ke piɔ̈ɔ̈c tueŋ?

2. Yeŋö ye nyuɔɔth nɔn ë cïï Yecu lɔ tueŋ ke kony mɛ̈nhë ye cɔɔl Jemith ke këc puɔ̈u dak?

Yeŋö Buk Piɔ̈ɔ̈c Tënë Yecu?

2. Akɔrku buk puɔ̈th aa liɛr, wɛ̈tŋö kɔc juëc aa lëu bïk dhamandït nɔ̈k ku bïk yic jäl gam.

Kiɛ̈ɛ̈të Yecu

3. Bɛn dhöl däŋ ë piööc them. Na këc raan piööc ë Baibol guɔ gam ë nyinic ë tëtöŋë, ke duk thɛny thïn. Të lëu yen rot, ke yï luui bideoth awu awereek cï ke gätbei bïï yïn ke raan kony bï deetic yeŋö ë rot looi ë piööc ë Baibolic ku jɔl aa këpiɛɛth bï yök thïn.

4. Duk kɔc ë thɔ̈ɔ̈ŋ. Kɔc aa wääc. Të këc raan töŋ ruääi ke yïn awu raan ca neem piööc ë Baibol gam, ke them ba deetic ye wɛ̈tŋö ye yen jai. Nadɛ̈ nɔŋ gääm töŋ cï gam apɛi ë piände ëbën? Nadɛ̈ ye kɔc ruääi ke yen awu kɔc thiääk ke yen lɛ̈k en bï jai ë piööc ë Baibol? Gäm ë dhaman bïï yen kë ca lueel takic ku bï jä lɔc nɔn bïï yen kë ye Baibol lueel gam.

5. Ye lɔ̈ŋ ë rin raan cï ye gam bï piɔ̈ɔ̈c. Thiëc Yekoba bïï yï kuɔny ba rëër ke yï nɔŋ ŋäth ku ba wël piɛth ya luɛɛl. Thiëc Yekoba aya ë lɔ̈ŋic bï yï kuɔny ba ŋic nɔn bïï yïn kɔ̈ɔ̈c ba cïï ben alɔ tënë raan wën cïï piööc ë Baibol nhiar.​—1 Kor. 9:26.