Jam ye Ŋiɛc Deetic

Kën ë Cïï Pilip Looi

BIDEO: Pilip Apiööc Mony ë Paan Ethiopia

1. Ɣoi BIDEO, awu kuen Luɔi de Tuuc 8:30, 31. Ku jälkë thiëc bɔ̈ jäämiic:

1. Ye këdï ë cïï Pilip jam jɔɔk cöök?

2. Ye këdï cïï yen jam ye ŋiɛc deetic luɔ̈ɔ̈i bïï yen jam jɔɔk cöök, ku rɔm yithke Baibol kek ë mony kënë?

Yeŋö Buk Piɔ̈ɔ̈c Tënë Pilip?

2. Të ye ɣok jam ye ŋiɛc deetic jɔɔk cöök, ke raan alëu bï rot pälpiny ku bï këdan yeku lueel piŋ.

Kiɛ̈ɛ̈të Pilip

3. Ye daai kë loi rot. Të ye raan ye nyin luɔɔi thïn ku të ye yen käŋ kiɛ̈ɛ̈t thïn alëu bï käjuëc nyuɔɔth ë biäkde. Nadɛ̈ ye tïŋ ke cït kë nhiɛɛr raan bï jam ke yïn? Yïn lëu ba yiny ë Baibol lɛ̈k raan të thiëëc yïn en ë dhöl thiin piɔlic, “Nadɛ̈ ŋic nɔn . . . ?” Duk jam mɛc thïn ke raan wën cï ye nhiar bï jam ke yïn.

4. Nyuɔɔth ë liɛr ë puɔ̈u. Duk tɛ̈ɛ̈u ë yïnɔm nɔn nadɛ̈ ke yïn lëu ba yiny ë Baibol guɔ lɛ̈k raan ë nyinic ë tëtöŋë. Tit dhaman piɛɛth cïï raan rot pälpiny bï piŋ ku ba jäl lɛ̈k en. Ë dhamandäŋ, kënë anɔŋic ba tïït agut cï dhaman dɛ̈t wën lëu bïï yïn bɛn jam we raan.

5. Ye jam waaric. Jamduön we raan alëu bï rot waar. Ka yen, rɛ̈ɛ̈rë ke yï cï rot guiir bï nɔŋ kë rɔm we raan ke ye kë lëu bïï raan nhiaar, cɔk anɔn ë cïï yen kën ë ca guiir bïï yïn lɔ jam ë biäkde.