Mei

A angiiten ya be doo a den fosi Kelesten tu. Pakisei fa a sani ya be e meke den e pina. Mma anga dda fu a ten de be musu e booko den ede fa den be o solugu den osufamii. Fa fu den yonkuuwan di be wani du moo aini a peleikiwooko? Kande den be e akisi denseefi efu den mu wakiti fu a angiiten pasa fosi den be bigin anga a peleikiwooko. Winsi fa aa be makiliki gi den Kelesten ya, tokuso den be e du ala san den poi. Den be e peleiki a iniiwan okasi di den fende, boiti dati den be e paati san den abi anga den baala anga sisa fu den aini Yudeya (Toli 11:29, 30). Den sama di den taa baala anga sisa be e gi sani be e si fa Yehofa be e yeepi den (Mat. 6:31-33). Den anga den baala anga sisa be musu toon bun mati di den si fa den holibaka gi den. Ala den sama di be e gi sani, anga den sama di be e yeepi fu paati den sani be e si taki te wan sama e gi taawan sani ai de koloku (Toli 20:35). Yehofa be belesi den di den meke moiti fu fiti denseefi.​—Toli 20:35. w23.04 16 ¶12-13

Wan leisi Yehofa be meke Kownu Artakserkses gi Nehemiya piimisi fu daai go a Yelusalem fu meke a foto baka (Neh. 2:3-6). Na aseefi sani ya Yehofa e du aini a ten ya tu. Son yuu ai meke sama di nai dini en yeepi u. Gaanse leisi a ná wan kofaliki sani Yehofa e du fu piki den begi fu u. Ma a fasi fa ai piki den begi fu u e yeepi u fu tan dini en anga u hii ati. Neen meke i mu e meke moiti fu si fa Yehofa e piki den begi fii. A toli ya e soi u taki son yuu a de fanowdu fu sidon luku fa Yehofa e piki den begi fu u (Ps. 66:19, 20). We soi taki u biibi taanga te we meke moiti fu si fa Yehofa e piki den begi fu u. U mu soi tu taki ai bigi giw taki a piki den begi fu u, winsi aa piki en enke faw be wani.​—Heb. 11: 6. w23.05 11 ¶13; 12 ¶15-16

Te wan sama paamisi Yehofa taki aw libi enke fa a wani, ai paamisi en taki aw dini en, aw du san a wani tu. U mu du saw paamisi Yehofa. Den sani di u paamisi Yehofa á taanga giw tumisi, bika Yehofa meke u fu du san a wani (Openb. 4:11). Yehofa meke wi anga a fii fu kon sabi en anga fu dini en. Boiti dati, a meke wi enke fa enseefi de. Neen meke u poi kon koosube neen. We piisii fu du san a wani. Te we du san Gadu wani, we waka neen Manpikin baka. A sani ya o meke u ‘fende kaakiti baka’ (Mat. 11:28-30). I mu kon moo lobi Yehofa. Yo man du a sani ya te ye teke ten pakisei ala den bun di Yehofa du gii, anga den sani di aw du gii aini a ten di e kon. O moo i lobi Yehofa, o moo aw makiliki gii fu aliki en (1 Yoh. 5:3). Yesesi be poi du san Gadu wani, bika a be e begi Yehofa fu a yeepi en. A be e poti ala en pakisei a den wini di a be o fende aini a ten di e kon tu (Heb. 5:7; 12:2). Leti enke Yesesi, i sa begi Yehofa fu a gii kaakiti. I sa begi en tu fu a yeepi i fu tan poti pakisei na a howpu di wi abi fu libi fu teego. w23.08 27-28 ¶4-5

Ala u lobi te taawan abi pasensi anga u. We lesipeki den sama di poi wakiti wan sani anga pasensi. Ai bigi giw tu te taawan abi pasensi anga u te u meke wan fowtu. Boiti dati, ai bigi giw taki a sama di be e sutudeli anga u be abi pasensi anga u, bika u be mu fusutan den leli fu Beibel. U be mu sabi faw mu wooko anga den tu. Ai bigi giw te ye, taki Yehofa a wan Gadu di abi pasensi. We piisii te taawan abi pasensi. Ma son yuu ai taanga giw fu abi pasensi. Kande tei de aini wan langa fille, moomoo efii lati. Kande yu ati-boon fu di taawan e du sani di ya lobi. Son yuu ai taanga giw tu fu wakiti Yehofa, bika a paamisi u wan nyun goontapu. w23.08 20 ¶1-2

Di Yehofa be taigi Gidiyon fu a sende gaanse fu den suudati fi en go a osu, a du san Yehofa taki. Kande a be e akisi enseefi taki: ‘A de fanowdu fu mi du a sani ya? Sani o waka bun?’ Wa sabi san a be e denki, ma saw sabi a taki a du san Yehofa be taigi en. Na aseefi sani ya den owluman e du tu. Te a olikanisâsi taki den mu du sani taa fasi, den nai daaidaai fu aliki (Heb. 13:17). Gidiyon du san Yehofa taigi en winsi fa a be e feele. A aliki Yehofa tu winsi fa ogii be sa miti en (Kuut. 9:17). Baka di Yehofa paamisi Gidiyon taki a be o yeepi en, a be e biibi taki Yehofa be o yeepi en fu kibii a foluku fi en. Owluman di e tan aini kondee pe lanti tapu a wooko sa waka a Gidiyon baka. Winsi fa lanti sa sooto den, toku den e teke fesi a den komakandaa, a peleikiwooko, winsi den sa lasi den wooko, efuso efu sama wani du ogii anga den. Na a ten fu a gaan banowtu owluman o abi deki-ati fanowdu fu man du san den baala o taigi den winsi ogii sa miti den. w23.06 5-6 ¶12-13

Yehofa meke sama sikiifi den bun sani di Gaan pilisite Yoyada du poti aini Beibel. A omen sani u sa leli fu a toli fi en (Rom. 15:4). Di Yoyada dede a fende wan gaan gaandi. ‘Den beli en aini a foto fu David pe den be gwenti beli den kownu. Den be beli en ape, fu di den be e pakisei ala den bun di a be du gi den Islayelisama, gi a tuu Gadu, anga a osu fu Yehofa’ (2 Kolon. 24:15, 16 ). A toli fu Yoyada e leli u fu moo lesipeki Yehofa. Owluman sa waka a Yoyada baka te den de na ain fu si fa den sa kibii a kemeente (Toli 20:28). Gaandi baala anga sisa sa leli fu Yoyada taki Yehofa poi koboloiki den fu du a wani fi en efu den e lesipeki en. Te yonkuuwan luku a fasi fa Yehofa be libi anga Yoyada, da a sani ya e leli den taki den mu e lesipeki den gaandi baala anga sisa. Moomoo den wan di dini Yehofa wan pisiten kaba (Odo 16:31). Te we aliki den baala ‘di e teke fesi’, we soi taki we holibaka gi den.​—Heb. 13:17. w23.06 17 ¶14-15

Ya mu e sutu yu ana ipi tumisi. Efi ye sutu yu ana omen leisi baka makandaa, a baala di e teke fesi o fii enke a namonamo a mu gii piki. I mu holi a pakisei taki taa sama wani gi piki tu. Te ye opo yu ana ipi tumisi, son sama nai wani sutu den ana moo (Peleik. 3:7). Te omen sama e sutu den ana, kande i naw fende a okasi fu gi piki enke fai be wani. Son yuu a fu te a komakandaa kaba, ya fende nawan piki. I nai fii bun te a sani ya pasa, ma ya mu si enke a wani a baala á wani gii piki (Peleik. 7:9). Efi ya fende a okasi fu gi piki na a komakandaa, i mu aliki bun te den taawan e gi piki. Baka a komakandaa, da i sa gafa den fu den piki di den gi. Leti enke fa den piki dii be o gi be o gi den baala anga sisa taanga-sikin, a letiso a gafa di yo gafa den o gi den taanga-sikin tu. w23.04 23-24 ¶14-16

Sutudeli a Wowtu fu Gadu, dai teke ten pakisei sai leli. Te den lutu fu wan bon beli, a nai kai makiliki. A letiso a Wowtu fu Gadu sa yeepi u fu taampu gingin. O moo wan bon e goo, o moo den lutu fi en e beli. Den e paati go na ala se tu. A so a de anga a sutudeli di we sutudeli tu. Te we sutudeli, u mu teke ten pakisei saw leli, da a sani ya o taanga u biibi. We kon si kiin taki a fasi fa Gadu wani u libi moo bun (Kol. 2:6, 7). Pakisei fa den weiti, anga den sani di Yehofa be e taigi a foluku fi en be e kibii den. Pakisei fa den sani ya be e yeepi den tu. Eseikiyeli be e luku bun di wan engel be e maiki on bigi a tempel di a be si aini a fisyun be de. A fisyun ya be gi Eseikiyeli taanga-sikin. Ai leli u tu taki u mu dini Yehofa enke fa a wani (Eseik. 40:1-4; 43:10-12). Boiti dati, we fende wini te we teke ten pakisei den toli aini Beibel di moo taanga fu fusutan. Useefi sa lobi Yehofa anga u hii ati tu te we fitoow en.​—Ps. 112:7. w23.07 18 ¶15-16

A Beibel abi toli fu omen man di yonkuu baala sa waka a den baka. Den man ya be lobi Yehofa. A omen gaan wooko den be e du gi a foluku fu Yehofa. I sa waka a den baala fii kemeente baka tu di e meke moiti fu du sani enke Yesesi. Kande son wan fu den baala ya ai famii (Heb. 13:7). Ma a moo bun sama dii sa waka neen baka, a Yesesi (1 Peit. 2:21). Luku fa den sama ya e tyai denseefi. Poti pakisei a den bun manii fu den (Heb. 12:1, 2). Bakadati dai luku fai sa waka a den baka. Wan man di koni e denki bun fosi a du wan sani. Neen meke i mu meke moiti fu e denki bun fosi i du wan sani. Ma saw yeepi i fu toon wan man di koni? Ondoosuku Beibel fu si fa Yehofa e denki fu son sani, dai meke moiti fu si sowtu wini yo fende tei wooko anga san a taki. Bakadati wooko anga sai leli, da a so yo meke Yehofa piisii (Ps. 119:9). A sani ya o yeepi i fu toon wan sama di e du sani enke Yesesi.​—Odo 2:11, 12; Heb. 5:14. w23.12 24-25 ¶4-5

Mma anga dda sa leli den pikin fu den fa den sa piki te sama akisi den wan sani fu a biibi fu den (Yak. 3:13). Son mma anga dda e leli den pikin fa den sa du a sani ya na a Osufamii Anbegi. Den e taki fu sani di sa pasa a sikoo, bakadati da den e pee demo fu den sani ya. A so den e leli den pikin fa den mu piki a wan lesipeki fasi. Te we leli a osu fa wo piki wan sama te den akisi u wan sani, a sani ya e yeepi u fu wa feele fu taigi sama san we biibi. Ai yeepi u fu moo biibi den sani di we leli tu. Wantu artikel de a jw.org di sa yeepi yonkuuwan fu sabi fa den mu piki te wan sama akisi den wan sani fu a biibi fu den. Den artikel ya sa yeepi yonkuuwan fu taanga den biibi. Efu u luku den artikel ya na a Osufamii Anbegi, wo sabi faw mu piki a wan lesipeki fasi te sama akisi u wan sani fu a biibi fu u. w23.09 17 ¶10; 18 ¶15-16

Kande i poti wan maiki kaba, ma ai taanga gii fu doo en. Efu a so, da holi a pakisei taki a nai wawan a sani ya e miti. Wan baala den e kai Philip, e meke moiti fu begi moo bun. Ai wani begi omen leisi aini wan dei, ma a ná ala yuu ai fende ten fu begi. Wan sisa den e kai Erika be poti enke maiki fu e doo fuuku a den peleikiwooko komakandaa. Ma beina ala yuu ai doo lati a den peleikiwooko komakandaa. Efu ai taanga gii fu doo wan maiki dii poti, ya mu lasi-ati. Winsi a wan pikin maiki i poti, toku aw teke ten fosi i doo en. Son yuu a bunbun moiti yu abi fu meke. A moiti di ye meke fu doo den maiki fii, e soi taki ye si a dini di ye dini Yehofa enke wan gaan sani. Boiti dati, ye soi en taki i wani gi en a moo bun sani di yu abi. Holi a pakisei taki Yehofa e si a moiti di ye meke, a sabi sai poi du. Neen meke a naw akisi i fii du wan sani di a sabi taki i naw poi du (Ps. 103:14; Mika 6:8). Te ye poti maiki, i mu poti wan maiki dii sabi taki yo poi doo. w23.05 26 ¶1-2

Wan sama di abi deki-ati e feele son yuu, ma a nai meke a sani de tapu en fu du san bun. Daniyeli a be wan yonkuman di be abi deki-ati. Daniyeli be e sutudeli den polofeititoli di den polofeiti be sikiifi, moomoo den polofeititoli fu Yelemiya. Na a sani ya be yeepi en fu sabi taki den Dyu di be de a katibo a Babilon be o daai go a Yelusalem baka (Dan. 9:2). Di Daniyeli be si fa den polofeititoli aini Beibel be e kon tuu, a sani ya be musu taanga en biibi. Wan sama di biibi taanga, e fitoow Gadu anga en hii ati. A sani ya e yeepi en fu abi deki-ati tu. (Luku Romesama 8:32, 37-39 tu.) Ma san moo pelensipali a taki Daniyeli be abi a gwenti fu begi en Dda a hemel (Dan. 6:10). A taigi Yehofa den sondu fi en. A taigi en fa a be e fii tu. Boiti dati, Daniyeli be begi Yehofa fu a yeepi en (Dan. 9:4, 5, 19). Fu di Daniyeli a be libisama, meke aa be meke anga deki-ati. Ma a be kon abi deki-ati fu di a be e sutudeli, begi, anga fu di a be e fitoow Yehofa. w23.08 3 ¶4; 4 ¶7

Te we aliki den tiiman, a sani ya o kibii wi anga taawan. Saide a sani ya pelensipali? Wan sani a taki efu we meke moiti fu aliki, da ogii naw miti u (Rom. 13:1, 4). Te we meke moiti fu aliki den tiiman, den o si Yehofa Kotoigi enke bunbun sama. Wan sani be pasa a Nigeliya wantu yali pasa. Suudati be booko go aini wan komakandaa peesi na a yuu di den be abi komakandaa. Den be e suku den sama di nai pai lantimoni. Di den booko go aini a komakandaa peesi neen a fesiman fu den suudati taki: ‘Kow gwe, bika ala den Yehofa Kotoigi a sama di e pai lantimoni.’ Ala yuu te we meke moiti fu aliki den tiiman, a sani ya o meke a nen fu den Yehofa Kotoigi á poli. Boiti dati, te we meke moiti fu aliki den tiiman da a sani ya o kibii den taa baala anga sisa. w23.10 9 ¶13

A omen yali kaba son sama di e dini Yehofa e wakiti a kaba fu a goontapu ya. Son yuu enke libisama, we fii enke den yuu ya, a kaba fu a goontapu be mu doo kaba. Ma Yehofa e fusutan fa we fii, neen meke a be taigi polofeiti Habakuk taki: ‘A fisyun o kon tuu di a yuu fi en o doo. A yuu fi en o doo dyonson, a ná wan lei toli. Tan luku en, winsi a gei enke a nai kon. Aw kon tuu namo, a naabi misi. A naw kon lati!’ (Hab. 2:3) A Habakuk wawan Yehofa be abi a pakisei di a taki a sani ya? Nono, a sani di a taigi Habakuk e gi u taanga-sikin tu. A santa yeye be meke apostel Pawlesi taigi den bakaman fu Yesesi di e wakiti a nyun goontapu, aseefi sani ya fu gi den taanga-sikin (Heb. 10:37). Winsi we fii enke a kaba nai kon ete, toku u sa biibi taki ‘aw kon tuu namo, a naabi misi. A naw kon lati!’ w23.04 30 ¶16

A tyali taki gaanse fu den Islayelisama á be e si Mosesi na ain. Den á be e si en enke a sama di Yehofa be poti fu tii den (Num. 14:10, 11). Na a sani ya meke gaanse fu den á go aini a Paamisi kondee (Num. 14:30). Winsi fa son Islayelisama á be aliki Yehofa, toku son wan fu den be aliki en. Yehofa be taki: ‘Kalepu . . . be e du san mi taigi en anga en hii ati’ (Num. 14:24). Yehofa be belesi Kalepu, bika a be fika en fi en enseefi luku sowtu pisi fu a Paamisi Kondee a be wani (Yow. 14:12-14). Den Islayelisama di Yehofa be gi a okasi fu go aini a Paamisi Kondee be e aliki en. A Yowsuwa na a sama di be o tii a foluku baka Mosesi. ‘Den be e lesipeki en’ (Yow. 4:14). Fu di den be e lesipeki Yowsuwa, meke Yehofa be belesi den. A be gi den a kondee di a be paamisi den.​—Yow. 21:43, 44. w24.02 21 ¶6-7

Wan dataa e sabi efu yu ati e wooko bun te a fii i neki-ana luku. A letiso wo poi sabi efu u lobi Yehofa tuutuu, te u luku faw lobi den baala anga sisa fu u. Efu u kon si taki a lobi di u lobi u baala anga sisa kon swaki, da a sani ya e soi taki a lobi di u lobi Yehofa kon swaki tu. Ma efu we meke moiti ala yuu fu soi u baala anga sisa taki u lobi den, da a sani ya e soi taki u lobi Yehofa tuutuu. Efu wa lobi u baala anga sisa anga u hii ati, a sani ya sa meke ogii miti u. Saide? Bika efu wa lobi u baala anga sisa, da u naw poi lobi Yehofa tu. A sani ya sa meke wi anga Yehofa á de mati moo. Neen meke apostel Pawlesi be taigi u kiin taki: ‘Wan sama di á lobi en baala di ai si, á poi lobi Gadu di a nai si’ (1 Yoh. 4:20). San a sani ya e leli u? Efu u wani Yehofa piisii anga u, da u mu ‘lobi useefi’.​—1 Yoh. 4:7-9, 11. w23.11 8 ¶3; 9 ¶5-6

Kownu Yowas be yonkuu di en dda dede. Neen meke a Gaan Pilisite Yoyada kiya en. A Yoyada be yeepi en fu sabi Yehofa. Yowas be koni, bika a be e wooko anga den sani di Yoyada be e leli en. Yowas be e dini Yehofa leti enke Yoyada. A be e yeepi a foluku fu dini Yehofa tu. Boiti dati, a be seeka a tempel fu Yehofa baka (2 Kolon. 24:1, 2, 4, 13, 14). Efii mma anga dda e leli i fu libi enke fa Yehofa wani, da a wan gaan kado den wani gii (Odo 2:1, 10-12). A omen fasi i mma anga i dda sa leli i. Te ye wooko anga den leli fu Beibel i mma anga i dda o piisii. Ma san moo pelensipali a taki yo meke Yehofa piisii. Yu anga en o toon bun mati tu (Odo 22:6; 23:15, 24). A sani ya e soi taki efu u du sani enke Yowas di a be yonkuu, wo fende wini. w23.09 8-9 ¶3-5

Yehofa paamisi u taki aw aliki den begi fu u. A lobi den sama di e dini en anga den hii ati. Neen meke na ala yuu ai piki den begi fu den (Ps. 10:17; 37:28). Ma a sani ya á wani taki aw giw ala den sani di we akisi en. U mu wakiti fu a nyun goontapu doo fosi wo fende son wan fu den sani di we begi en. Yehofa e luku efu den sani di we akisi en e kai anga den sani di a abi a pakisei (Yes. 55:8, 9). Wan fu den sani di Yehofa abi a pakisei, a fu meke a goontapu fuu anga sama di e aliki en. A Yehofa o de a Tiiman fu den sama ya. Ma Saatan taki sani o waka moo bun gi libisama te den e tii denseefi (Gen. 3:1-5). Di Saatan taki a sani ya, Yehofa fika libisama fu tii denseefi fu soi taki a sani di Saatan taki a ná tuu. Fu di libisama e tii goontapu nownow, meke a omen ogii e pasa (Peleik. 8:9). U kon fusutan taki Yehofa naw puu ala den ogii di e pasa aini a goontapu ya nownow. w23.11 21 ¶4-5

Yehofa be paamisi Abalaham taki neen be o meke tyaipi foluku a goontapu fende belesi. Abalaham be abi 100 yali, Sala be abi 90 yali, ma den á be meke pikin ete. A be gei enke den á be o poi abi nawan manpikin. A sani ya be de enke wan tesi gi Abalaham. Toku ‘a be abi a howpu taki a be o toon a dda fu omen foluku’ (Rom. 4:18, 19). Te fu kaba a sani di Abalaham be e howpu kon tuu. A toon a dda fu Isaki. A pikin di a be wani senten (Rom. 4:20-22). Leti enke Abalaham u sa de Gadu mati. U sa de sama di e libi a wan letifasi tu. Pawlesi be taki: ‘Den wowtu “Gadu be e si en enke wan sama di e libi a wan leti-fasi” nai teli gi Abalaham wawan, ma den e teli giw tu. Gadu o si wi enke sama di e libi a wan letifasi fu di we biibi en, a sama di meke Masaa Yesesi kon a libi baka’ (Rom. 4:23, 24). Leti enke Abalaham u mu e fitoow Yehofa. U mu e du bun sani tu. Boiti dati, u mu e biibi taki Yehofa o du den sani di a paamisi u. w23.12 7 ¶16-17

Te tesi e miti i di e meke ye feele, holi a pakisei taki Yehofa e si sai miti i. A sabi fa ye fii tu. Yehofa á be e si san be e miti den Islayelisama di be de a Egepte namo, ma a be e si ‘fa den be e pina’ (Ek. 3:7). Efu wan tesi e miti i di e meke ye feele, kande i nai si fa Yehofa e yeepi i. Sai sa du? Akisi en fii si fa ai yeepi i (2 Kow. 6:15-17). Bakadati akisi iseefi taki: Wan lezing efuso wan piki a komakandaa gi mi taanga-sikin? Wan buku, felon, efuso wan singi gi mi deki-ati? Wan sama leisi wan moin tekisi gi mi? Son yuu we feegete taki den baala anga sisa lobi u. Son yuu we feegete fa a Wowtu fu Gadu e yeepi u tu. Ma den sani ya a kado di Yehofa giw (Yes. 65:13; Malik. 10:29, 30). Den sani ya e soi taki Yehofa e booko en ede anga i (Yes. 49:14-16). Den e soi tu taki i sa fitoow en. w24.01 4-5 ¶9-10

Fosi Yesesi be go a hemel a be taigi den bakaman fi en taki den mu de en kotoigi a ‘Yelusalem, Yudeya anga Samaliya te doo den moo faawe peesi a goontapu’ (Toli 1:8; Luk. 24:46-48). Aa langa bakadati, neen den keliki fesiman kisi apostel Peitilisi anga Yohanisi tyai go na a Sanhedrin. Den bali den taki efu den á tapu anga a peleiki di den e peleiki, sani naw waka bun gi den (Toli 4:18, 21). Neen Peitilisi anga Yohanisi piki den taki: ‘A useefi mu luku efu Gadu fende en bun taki wi aliki u pe fu wi aliki en. Ma wi á poi tapu fu taki fu den sani di u si anga den sani di u yee’ (Toli 4:19, 20). Baka di den losi Peitilisi anga Yohanisi, den bakaman fu Yesesi begi Yehofa fu a yeepi den fu den du a wani fi en. Yehofa aliki a begi fu den.​—Toli 4:31. w23.05 5 ¶11-12

A omen miliyun yali kaba Yehofa anga en Manpikin de makandaa. A sani ya meke den sabi denseefi bun. Den a bun mati tu. Boiti dati, den lobi denseefi tuutuu. Aini a tekisi fu tide Yehofa e taki fa a lobi Yesesi. A be sa taki: ‘Neen e meke mi piisii.’ Ma a be wani soi u taki ná pikin lobi a lobi en, neen meke a be taki ‘a mi Manpikin de ya, mi lobi en’. Yehofa be e piisii anga Yesesi, bika a be de kabakaba fu dede giw (Efe. 1:7). Yesesi seefi be e biibi taki en Dda lobi en. Neen meke na ala yuu a be e taki en Dda lobi en.​—Yoh. 3:35; 10:17; 17:24. w24.01 28 ¶8

Pakisei a sani ya: Meke u taki wan sama dii lobi lei gii. I sabi taki a lei a lei gii, ma toku son sama e biibi en. San moo ogii a taki den e paati a lei go doo. Boiti dati, moo sama e biibi den. Fai be o fii? Aw hati i. Bika i sabi taki a lei den e lei gii. A toli ya e yeepi u fu fusutan fa Yehofa be e fii di sama poli a nen fi en. Wan fu den engel di a meke taigi a fosi uman Efa omen sani fi en di a ná tuu. Efa biibi den lei ya. Fu di Adan anga Efa biibi den lei fu a engel ya, meke den daai baka gi Yehofa. Na a sani ya meke wi abi sondu. Neen meke we dede tu (Gen. 3:1-6; Rom. 5:12). A fu di Saatan lei meke sani enke oloku, pina, anga dede e miti u nownow. A sani ya na hati Yehofa noh? Eeye, a musu hati en. Toku Yehofa nai tan pakisei a lei di Saatan lei gi en. Beibel e kai en ‘a koloku Gadu’.​—1 Tim. 1:11. w24.02 8 ¶1-2

Saw yeepi i fu pasa tesi leti enke Yowsefu? A nownow kaba i mu luku san yo du te tesi miti i. Meke moiti fu taki nono gi sani di Yehofa e buuse. Ya mu sidon pakisei den sani ya tu (Ps. 97:10; 119:165). Efii du a sani ya a fesi, a sani de o yeepi i fi ya sondu te tesi miti i. Kande ye biibi taki na a tuu biibi de ya. Kande i wani dini Yehofa anga i hii ati tu. Ma kande wantu sani e holi yu a baka ete. I sa du san David be du. A be taki: ‘Gadu, ondoosuku mi. Ondoosuku mi ati. Ondoosuku mi finifini fii sa sabi sai gi mi booko-ede. Luku efu mi e waka a wan pasi pe ogii sa miti mi, dai soi mi a pasi di o meke mi fende teego libi’ (Ps. 139:23, 24). Yehofa o belesi den sama di e dini en anga den hii ati. A moiti di ye meke fu doo a maiki fu paamisi en taki yo libi enke fa a wani dai dopu, e meke a si taki i wani dini en.​—Heb. 11:6. w24.03 6 ¶13-15

Na a gaan pilisite be e taki anga Gadu gi a foluku. A Aron a be a fosi gaan pilisite fu Islayeli. A Yehofa seefi be poti en enke gaan pilisite di den be gi a tabernakel abaa a Gadu. Ma enke fa apostel Pawlesi be taki, da ‘a omen sama be mu toon gaan pilisite baka makandaa, bika te wan fu den be dede, da wan taa sama be abi fu teke en peesi enke gaan pilisite’ (Heb. 7:23-26). Boiti dati, den gaan pilisite be abi sondu. Den be mu tyai ofaandi fu akisi paadon fu den sondu fu den. Neen meke den gaan pilisite fu Islayeli anga Gaan Pilisite Yesesi a ná aseefi. Yesesi Kelestesi na a Gaan pilisite fu u. Neen na a ‘futuboi di e wooko aini a tuutuu tenti. A ná libisama meke a tenti ya, ma a Yehofa seefi’ (Heb. 8:1, 2). Pawlesi taki ‘fu di [Yesesi] e libi fu teego meke aw du a pilisite wooko fi en fu alaten’. A taki ‘aa tyobo enseefi anga nawan sani. Aa de enke den sama di e du ogii’. Boiti dati, aa be abi fu tyai ofaandi ala dei gi den sondu fi en enke den gaan pilisite fu Islayeli. w23.10 26 ¶8-9

‘A hemel’ e soi go a den politiki tiiman di Saatan anga den ogii yeye fi en e tii (Mat. 4:8, 9; 1 Yoh. 5:19). Son yuu te Beibel e taki fu ‘goontapu’, ai soi go a den sama fu goontapu (Gen. 11:1; Ps. 96:1). Ma a wowtu ‘goontapu’ aini a tekisi ya e soi go a den ogii sama. Yehofa á taki aw puu wantu sani a ‘hemel’ anga ‘goontapu’. A taki aw puu ‘a goontapu’ anga ‘a hemel’ di de nownow, da aw poti wan nyun wan a den peesi. A sani ya wani taki aw seeka wan nyun tiimakiti. A ten de a soso sama di e libi enke fa a wani o de a goontapu. Yehofa o meke a goontapu ya kon nyun baka. Aw yeepi ala libisama fu den naabi sondu moo. Polofeiti Yesaya taki a hii goontapu o moin enke a dyali fu Eden. Wo toon nyun sama. Malengii sama naw de moo, sama di beendi naw de moo, dofu sama naw de moo tu. Den sama fu u di dede o kon a libi baka.​—Yes. 25:8; 35:1-7. w23.11 4 ¶9-10

A ‘gaan banowtu’ o kon wanboowanboo (Mat. 24:21). Ma a sani ya naw dyombo ala sama enke den gaan ogii di e pasa aini a ten ya. Saide? Bika u sabi a fesi taki a gaan banowtu o doo wanboowanboo. Wan sani fu 2000 yali pasa, Yesesi be taigi den bakaman fi en taki den be mu de seekaseeka gi a dei ya. Te u de seekaseeka, da a sani ya o meke a moo makiliki giw fu pasa a gaan banowtu. Wo man yeepi taawan tu (Luk. 21:36). Fu man du a sani ya, wo abi fu holidoo. U mu biibi tu taki Yehofa o kibii u. San wo du efu u baala anga sisa lasi gaanse efuso ala den sani fu den a pisiten de? (Hab. 3:17, 18) Efu wi abi tyali-ati, wo meke moiti fu yeepi den anga san den abi fanowdu. Te den kondee o kon a wan fu feti anga a foluku fu Gadu, da kande wo abi fu tan aini wan pikin kambaa anga omen baala anga sisa. San wo du efu a sani ya pasa? (Eseik. 38:10-12) Tuutuu lobi o yeepi u fu pasa a taanga ten de. w23.07 2 ¶2-3

Toowpaa sa waka na Akwila anga Preskela baka. Den Kelesten fu a ten fu den apostel be lobi a toowpaa ya (Rom. 16:3, 4). Den be e wooko makandaa, den be e peleiki makandaa, den be e yeepi taawan makandaa tu (Toli 18:2, 3, 24-26). Ala den peesi pe Beibel e taki fu a toowpaa ya, na ala den tu man nen ai kai. Fa toowpaa aini a ten ya sa waka a den baka? Pakisei den somen wooko di yu anga i toowpaa e du ala dei. Pe fu u paati den wooko ya, kande u sa du son wan fu den makandaa. Akwila anga Preskela be e peleiki makandaa. I si enke yu anga i toowpaa sa meke moo ten fu peleiki makandaa? Akwila anga Preskela be e wooko makandaa fu solugu denseefi. Kande yu anga i toowpaa nai wooko na aseefi peesi, ma u sa du den osuwooko makandaa (Peleik. 4:9). Te we wooko makandaa, a sani ya o yeepi u fu toon moo bun mati, bika we fende ten fu gi toli anga useefi. w23.05 22-23 ¶10-12

Ala u e feele son yuu. Di Kownu Saul be wani kii David, a be lowe go na a foto fu den Filisteyasama a Gat. Bakaten kownu Akes fu Gat be kon yee taki a David na a sama di den be e singi gi taki a kii omen dunsu Filisteyasama. Di David yee san den taki ‘ná pikin feele a be e feele’ (1 Sam. 21:10-12). A be e booko en ede, bika aa be sabi san Akes be o du anga en. San be yeepi David fu abi deki-ati winsi fa a be e feele? Aini Psalm 56, David e taki fa a be e fii di a be de a Gat. Ai taki aini a Psalm ya saide a be e feele, ma ai taki tu san be yeepi en fu aa feele moo. Te David be e feele a be e fitoow Yehofa (Ps. 56:1-3, 11). A be sabi fu saide a be e fitoow en. Fu di Yehofa be yeepi David, meke a be du wan sani di be kibii en libi. A be du enke a law. Di Akes si David, aa be wani kii en moo. A be wani a gwe komoto na a pisi kondee fi en. A so David be man lowe gi Akes.​—1 Sam. 21:13–22:1. w24.01 2 ¶1-3

Sama a den sama di a deiwowtu fu tide e taki? A den salufu Kelesten di o weki baka a hemel. Te den lasiti salufu Kelesten o go a hemel na a kaba fu a gaan banowtu, a fosi sani di den o du a feti den o go feti. Baka te ala den salufu Kelesten go a hemel, den anga Kelestesi anga den taa engel o feti a lasiti feti anga den feyanti fu Gadu. Pakisei a sani ya. Son wan fu den salufu Kelesten be gaandi a ten di den be de a goontapu. Taawan be kon swaki tu. Ma te den o weki baka fu libi a hemel, den o abi makiti. Den naw dede noiti moo. Den o fende a gaandi fu feti makandaa Yesesi. Baka a feti fu Alimakedon den o wooko makandaa anga Yesesi fu yeepi libisama fu den naabi sondu moo. Te den o de a hemel den o poi yeepi den baala anga sisa fu den moo bun, bika den naw abi sondu moo. w24.02 6-7 ¶15-16

Son sama di kaba fu dopu e daaidaai fu du a sani ya. Kande den e pakisei taki: ‘Efu mi dopu, neen mi du wan gaan sondu den o puu mi aini a kemeente.’ Efu a so ye fii, holi a pakisei taki Yehofa o yeepi i fu holidoo. Aw yeepi i fu du sani di o ‘meke a piisii ala yuu’ (Kol. 1:10). Aw gi yu a kaakiti di yu abi fanowdu fu du san bun. A omen baala anga sisa ai yeepi fu libi enke fa a wani, neen meke i sa biibi taki aw yeepi i tu (1 Kor. 10:13). Yehofa e yeepi a foluku fi en fu tan dini en. Neen meke a wantu sama namo den baala e abi fu puu aini a kemeente. Fu di wi abi sondu meke we fii fu du sani di á bun (Yak. 1:14). Winsi we fii fu du sani di á bun, toku u poi basi a fii ya. Aw seefi mu luku saw wani du anga u libi. Son sama e taki wa poi basi u fii, anga den sani di we du. Ma a sani ya a ná tuu. w24.03 5 ¶11-12