Poingkuro’d Potilombus do Kolumaagan Kumaa’d Pogiobpinaiyan

Pisasawaan nopo nga timpuunon do sampaganakan do wagu. Mulong piya’d oupus om mamantang ko’d molohing nu, nga ilo noh koruhang nu i’t tulun do poimaha kopio id koposion nu. Haro nogi doti o’t kobpinaiyan nu’d a’ asanangan dot kotoguang diti. Nga haro i o’t prinsip dot Bible do milo’d monguhup diya’d polumaag do ginawo nu om mongubas diya’d tumoguang dit sampaganakan nu’d kawawagu.

1 POPOIMAGON DOT KOPOMUSAHARAN KUMAA’D KOBPINAIYAN NU

NUNU KA’D BIBLE: “Pusohon no o tapa’ om tina’ nu.” (Iposus 6:2, 3) Mulong piya’d nokosukod ko noh, nga potilombuso noh kasari’d mamantang dot molohing nu. Sorohon noh dot ilo koruhang nu nga haro nogi o’t molohing dit apatut dot maan dau antangai. ‘Piupusan nopo nga a’ obimbiogu,’ om kada kopuriman dot haro kaantob dot piupusan dokoyu soira’d kokito ko’d koruhang nu’d mongupus dot molohing dau.—1 Korintus 13:4; Galatia 5:26.

NUNU WONSOIYON:

• Kada pomoros dot, “Asaru oku’d a’podulion dilo sampaganakan nu” toi ko “A’insan ilo tina nu’d asanangan dit wonsoiyon ku”

• Umbalai no’d mamarati i’t topurimanan do koruhang nu

2 IGITAI NO’I BOROS NU’D SOOMONU

NUNU KA’D BIBLE: “Kusai nopo nga tumongkiad dot mantad molohing dau om kopiiso i’ iyau di sawo dau om osiliu indo iyolo’ dot iso-iso’ o tonsi.” (Kinawansayan 2:24) Kopisawo kou nopo nga, haro nogi o’t molohing dot kakal po’d kopuriman dot kitonggungan yolo’ddi tanganak dau om asanangan di yolo’d sumampalag dot sampaganakan nu.

Yokoyu noh ot monontu’d piolitan om momisunud diyolo’d osonong-sonong. (Boros Dot Aralom 15:1) Osiriba ginawo, alamaya, alanut o ginawo no ot monguhup do popomogot dot piomungan dit osuau kumaa’d tongotobpinai nu om popokito’d koupusan nu diyolo.—Iposus 4:2.

NUNU WONSOIYON:

• Pilio noh maso di kosudong dot monongkiboros do koruhang nu soira’d gumanggarau kou no’d tongotobpinai nu’ddi sumampalag daa do sampaganakan nu

• Piokunai noh dokoyu poingkuro’d tomoguang di komoyon diti