DONGO 12

Muyao na ndolo

1 Tesalonika 2:7, 8

O PATAPE̱M: O mato̱po̱ te̱, bwa mania na mbale̱ ońola basengedi bo̱ngo̱, o lee̱le̱ ná o mombwea babo̱.

O̱nge̱le̱ ba nja basengedi bo̱ngo̱ beno̱. Dutea ońola ndutu basengedi bo̱ngo̱ ba malembe̱no̱ ná o boṅsane̱ mulema mo̱ngo̱. Keka je̱ne̱ ne̱ni ba masengano̱ oteten.
Po̱so̱ byala na ye̱ne̱. Wasa ná o lo̱ke, wembe̱ basengedi bo̱ngo̱ ná ńolo e timbeye babo̱. Samba byala bena be ná be lingise̱ babo̱ tete. O si to̱po̱ mbadi ni maye̱use̱ to̱ loa ba bena ba si dube̱, to̱ mambo ba madube̱no̱ na iwiye̱.
Lee̱le̱ ndol’ango̱. Na doi lo̱ngo̱ la muyao na beboledi bangame̱n, lee̱le̱ basengedi bo̱ngo̱ ná o mombwea babo̱ na mbale̱. No̱ngo̱ jangame̱ye̱ na nje boso bo̱ngo̱ bo malee̱le̱no̱. Ńamwe̱le̱ lo̱ ponda na ponda te̱.

O si ńakisane̱ wame̱ne̱ o bwa mania. O malanga te̱, langa na besengedi ba teten be ońola byala o malangano̱, nde seto̱ tomba dime̱ne̱ ná be̱ne̱ nde wa. Etum te̱ bonde̱ la litera ya mudumbu mu kwesam leno̱ ná di bwa muyao m’ekwali, o̱ngo̱ doi ke̱ o mapase̱le̱ litera ya mudumbu mu telam ná doi lo̱ngo̱ di bate be̱ muyao.