Ndedi

Nje Yesu a bolino̱

SINIMA: Yesu a mabwea dimuti ndedi

1. Ombwa SINIMA, to̱so̱ langa Marko 6:​30-34. Denge̱ o madutea ońola myuedi mi mabupe̱:

1. Ońola nje Yesu na bamuloloma bao ba pulino̱ “we̱nge̱me̱ye̱” e?

2. Nje e tute̱le̱ Yesu o lee̱ dimuti e?

Nje di mokwano̱ na Yesu e?

2. Ndedi e matute̱le̱ biso̱ o jongwane̱ bato, seto̱ buka te̱ o langwea babo̱ myango ma bwam.

Embilane̱ Yesu

3. Bia lambe̱ toi. Bola moto epolo ná a bole jo̱nge̱le̱ lao. O si ke̱ mo̱ bwambo o mudumbu to̱ mińa besengedi bao ba teten, mitakisan mao, to̱ jo̱nge̱le̱ lao. Lambe̱ye̱ la mo̱ toi di malee̱ ná o mano̱ngo̱ jo̱nge̱le̱ lao mweńa.

4. Dutea ońola moto nu lee̱le̱ ńo̱ngi. Bupisane̱ nje bińo̱ na mo̱ lo kwaledino̱, baise̱ wame̱ne̱ ná:

1. ‘Ońola nje angame̱nno̱ bia mbale̱ e?’

2. ‘Ne̱ni jokwa la Bibe̱l leno̱ ná longwane̱ mo̱ tatan na o mińa mi maye̱ e?’

5. Kwalea ońola mambo ma malondise̱ ńo̱ng’ao. O s’indea o lee̱ mo̱ ne̱ni jokwa la Bibe̱l leno̱ ná di bola mo̱ malabe̱ ma myuedi mao, na wanea pe̱ mo̱ jongwane̱ a be̱nno̱ ńo̱ngi.