Te̱se̱ mambo o bola o pond’a Jo̱nge̱le̱ la kwed’a Yesu

Mbu te̱, baboledi ba Yehova ba menge̱le̱ Jo̱nge̱le̱ la kwed’a Yesu ná ba bolise̱ mo̱ mwemba. O woki i se̱le̱ na Jo̱nge̱le̱ la kwed’a Yesu na yi i bupe̱, di mabolane̱ mbad’a tobotobo di be̱nno̱ o sesa Yehova na o timbise̱le̱ mo̱ masoma ońola jabea la diko̱ti. (Efe 1:3, 7) K’eyembilan, di mawe̱ na ngud’asu ńe̱se̱ o bele̱ bato o Jo̱nge̱le̱ la kwed’a Yesu. Bō̱ be ná ba po̱ngulane̱ mudango mabu ná ba we̱le̱ be̱ paonia ń’epas’a ponda ońola 30 to̱ 50 ma hawa, o myo̱di ma So̱ṅe̱ na Dibaba. Mo̱ o mapula bata tombise̱ ponda o dikalo o pond’a Jo̱nge̱le̱ la kwed’a Yesu mun mbu e? Nje ye ná yongwane̱ wa o bola nika e?

O jita la ngedi, di te̱se̱ te̱ mambo oboso ba ponda je ná di bola buka ko̱lo̱ngo̱ne̱. (Min 21:5) Kana Jo̱nge̱le̱ la kwed’a Yesu di nisiseano̱, tatan nde jangame̱nno̱ botea boṅsane̱. Dutea ońola mbadi o mapulano̱ bata no̱ngo̱ dongo o dikalo o pond’a Jo̱nge̱le̱ la kwed’a Yesu, na nje wangame̱nno̱ bola ná o londise̱ mambo o te̱se̱no̱ o bola. Ombusa nika baise̱ Yehova ná a namse̱ miwe̱n mo̱ngo̱.—1Yo 5:14, 15.

Mo̱ we ná wo̱nge̱le̱ mbadi iwo̱ weno̱ ná o bata no̱ngo̱ dongo o dikalo o pond’a Jo̱nge̱le̱ la kwed’a Yesu e?