MWENGE 45
Dutea la mulema mam
Esibe̠ byemban ba madoi
(Myenge 19:15)
1. Dutea la mulema mam,
Na byala ba mudumbu mam,
Ba do̱lisane̱ wa Loba;
Na kombe̱ mba o nge’ango̱.
Mitaka mi ńo̱si te̱ mba,
Mi po̱tise̱ mba na iyo̱,
Na duteye ońol’ango̱
Na o mambo ma te̱m na sim.
2. To̱ njika lambo le mbale̱,
Le ko̱nji, n’ede̱mo a bwam,
Di mawe̱le̱ o sesabe̱,
Di waneye mba musango.
Mo̱nge̱le̱ mo̱ngo̱ a Loba
Me tiki, ma kolo jita.
Na mapula dutea na
Te̱me̱ye̱ o Eyal’ango̱.
(Ombwa pe̱ Mye. 49:4; 63:7; 139:17, 23; Fil. 4:7, 8; 1 Tim. 4:15.)