Fɔlɔ la ka lasɔmini dɔ

Jehova tɛn’a to mɔgɔ juguw ka alijana nagasi. A teriw dɔrɔn lo bena ɲɛnamaya kɛ o yɔrɔ la. Mun lo bena mɔgɔ juguw sɔrɔ? Walisa k’o jaabili lɔn, i ka Nuhun ka tariki lakika lajɛ. Nuhun tun be balo la a saan waa damanin ye nin ye. A tun ye mɔgɔ ɲuman ye, min y ’a jija ka Jehova sagoya kɛ tuma bɛɛ. Nka dugukolo kan, mɔgɔ tɔw tun be koo jugumanw kɛ. O kama Jehova y ’a fɔ Nuhun ye ko Ale bena jii belebeleba lana k’o mɔgɔ jugumanw bɛɛ halaki. A y ’a fɔ Nuhun ye ko a ka kurun belebeleba dɔ lɔ janko a n’a denbaya kana sa tuma min na jii belebeleba be nana.—Jenɛse 6:9-18.

Nuhun n’a denbaya ye kurun belebeleba lɔ. Nuhun ye mɔgɔw lasɔmi ko jii belebeleba be nana nka u ma lamɛnni kɛ a fɛ. U tora ka koo jugumanw kɛ. Kurun belebeleba dilannen kɔ, Nuhun ye sogow ladon a kɔnɔ, ani ale n’a denbaya fana donna a kɔnɔ. O kɔ, Jehova ye sanfɔɲɔba lana. Sanji benna tile 40 ni suu 40. Jii belebeleba ye dugukolo bɛɛ fa.—Jenɛse 7:7-12.

Mɔgɔ juguw bɔnɛna u ka ɲɛnamaya la nka Nuhun n’a denbaya kisira. Jehova y ’u kisi jii belebeleba ma k’u ladon dugukolo kɔnɔ min saniyara ka bɔ juguya bolo ( Jenɛse 7:22, 23). Bibulu b’a fɔ ko wagati be nana kokura, mɔgɔ minw be ban ka koo tilennenw kɛ, Jehova bena olu halaki. Mɔgɔ ɲumanw tɛna halaki. U bena ɲɛnamaya banbali kɛ dugukolo kan alijana kɔnɔ. —2 Piɛre 2:5, 6, 9.

Bi mɔgɔ caaman be koo jugumanw kɛ. Duniɲa fanen be gwɛlɛya la. Jehova b’a Seerew ci k’u ci ka mɔgɔw lasɔmi, o bɛɛ n’a ta caaman t’a fɛ ka Jehova ka kumaw lamɛn. U t’a fɛ k’u ka kɛcogow yɛlɛma. Ala be min fɔ ɲuman ni juguman koo la, u t’a fɛ ka sɔn o la. Mun lo bena o mɔgɔw sɔrɔ? Yala u bena yɛlɛma lon dɔ wa? Caaman tɛna yɛlɛma ka ye. Sooni, mɔgɔ juguw bena halaki ani u tɛna ɲɛnamaya kɛ tugun abada.—Zaburuw 92:8.

Dugukolo tɛna halaki, a bena baara ka kɛ alijana ye. Minw be kɛ Ala teriw ye, olu bena ɲɛnamaya kɛ fɔɔ abada alijana kɔnɔ dugukolo kan.—Zaburuw 37:29.