Jɔn lo ye Ala ka juguw ye?

Ala ka juguw kuntigi ye Sitanɛ Naafigi lo ye. Danfɛn hakililama lo min murutila Jehova bolo. Sitanɛ b’a la ka Ala kɛlɛ ani a be bɔnɛ caaman lase hadamadenw ma. Sitanɛ ka jugu. Nkalontigɛla ni mɔgɔfagala lo.—Yuhana 8:44.

Danfɛn hakililama dɔw ye Sitanɛ seen nɔɔ ta ka Ala kɛlɛ. Bibulu b’u weele ko jinɛw. I n’a fɔ Sitanɛ, jinɛw ye hadamadenw ka juguw ye. A ka di u ye ka hadamadenw tɔɔrɔ (Matiyu 9:32, 33; 12:22). Jehova bena Sitanɛ n’a ka jinɛw halaki kudayi kama. Wagati kunkurunin dɔrɔn lo tora u ye ka hadamadenw ɲɛgwan.—Jirali 12:12.

N’i b’a fɛ ka kɛ Ala teri ye, i man kan ka Sitanɛ fɛtaw kɛ. Sitanɛ ni jinɛw be Jehova kɔniya. U ye Ala ka juguw ye ani u b’a fɛ k’i kɛ Ala ka jugu ye. I ka kan k’a ɲɛnatɔmɔ i b’a fɛ k’i koo diya min ye: Sitanɛ wala Jehova. N’i be ɲɛnamaya banbali fɛ, i ka kan k’a ɲɛnatɔmɔ ka Ala sago kɛ. Sitanɛ be ni fɛɛrɛ ni kɛcogoya caaman ye ka mɔgɔ lafili. A be mɔgɔ caamanba nɛgɛn.— Jirali 12:9.