Waajuliko Lajɛnw

Ɔkutɔburukalo tile 13nan lɔgɔkun

Dɔnkili 215nan

mn 10: Kunnafoniw. An ka Masaya Cidenyabaara lalɔnniyali minw bɛnnen be. Ɲɛyirali fila: Tɛmɛ sɛbɛ nin ɲɛɛ 8nan ka ladiliw fɛ (wala kalo tɛmɛnen taw fɛ) ka La Tour de Garde ni Réveillez-vous ! kuramanw yiracogo kɛ. Ɲɛyirali kelen kelen kɛtɔ, ɲɛfɔli ka kan ka kɛ zurunali kelen dɔrɔn kan, nka zurunali fila bɛɛ ka kan ka di a tigi ma. Ɲɛyirali kelen kɛtɔ, balima dɔ be tɛmɛ zurunaliw disira la ka viziti kura kɛ. A be viziti nata jusigi a kɛtɔ k’a lamɛnbaga hakili sama ka taga koorilen nin kan: “An ka nimɔrɔ nata kɔnɔ.”—A filɛ An ka Masaya Cidenyabaara ɲɛɛ 8nan kɔnɔ, dak. 7-8nan (saan 1998, ɔkutɔburukalo ta).

mn 20: “An ka baara kɛ Jehova ye ni nisɔndiya ye.”* (Bɛɛ ka kan ka na ni An ka Masaya Cidenyabaara lankana ye o baro kama. Saan 2002, zanwiyekalo ta.) Dakun 4nan lajɛli kɔ, a fɔ ko novanburukalo la an bena kitabunin Ɲini ani gafe Dɔnniya kofɔ mɔgɔw ye. Kuma yiracogo minw be sɔrɔ An ka Masaya Cidenyabaara kɔnɔ, u kelen lajɛ ka surunya (saan 2002, zanwiyekalo ta). O kɔ, ɲɛyirali dɔ kɛ k’o kɛcogo yira. Bɛɛ jagwɛlɛya u k’u yɛrɛ labɛn koɲuman waajuli kama.

mn 15: Dugaw b’a la ka bibulukalanw kɛ ni mɔgɔw ye. Kalan, ani baro kɛ ni lamɛnnikɛlaw ye. Wale dɔw lakali, minw b’a yira cogo min na bibulukalanw be ɲɛtaga sɔrɔ: A filɛ an ka gafew kɔnɔ (w00 3/1 ɲɛɛ 6nan; yb98 ɲɛɛ 55-60nan). O walew b’an kalan mun lo la? Ani, an be nafa juman sɔrɔ bibulukalanw na? A ɲini lamɛnnikɛlaw fɛ u k’o ɲɛfɔ.

Dɔnkili 172nan ani kuncɛli delili.

Ɔkutɔburukalo tile 20nan lɔgɔkun

Dɔnkili 86nan

mn 10: Kunnafoniw. “Aw ka ɲiningaliw jaabiliw” barokun lajɛ.

mn 20: “Bibulukalanw be labɛn ani u be kɛ cogo min na.” * Waajulibaara kɔrɔsibaga lo b’o kalan kɛ. A be La Tour de Garde ɲɛɛ 19-24nan ka hakilinataw fara a kan (Saan 2002, sɛputanburukalo tile fɔlɔ ta).

mn 15:  Gafe Adorez Dieu lajɛ. Kalan, ani baro kɛ ni lamɛnnikɛlaw ye. Labɛn min kɛra walisa k’o gafe kura kalan i ko gafe filanan, ɲɛfɔli kɛ o labɛn kan (km 6/00 ɲɛɛ 8nan, dak. 5-6nan). A ɲini kafodenw fɛ u k’a lakali o gafe cogoya minw diyara u ye. A yira ko gafe nin yɔrɔ dɔw be tɛmɛ ɲiningaliw ni bibulusenw fɛ walisa ka kalanden lasun a ka miiri kosɔbɛ Ala ka Kuma kan. Ɲɛyirali min be sɔrɔ gafe ɲɛɛ 47-9nan, dakun 13nan na, ale yira.

Dɔnkili 112nan ani kuncɛli delili.

Ɔkutɔburukalo tile 27nan lɔgɔkun

Dɔnkili 64nan

mn 12: Kunnafoniw. Jateminɛ dantigɛli rapɔɔri. A’ ye weleweledalaw hakili jigi u ka ɔkutɔburukalo baara rapɔɔri di. An tun ye hakilinata minw sɛbɛ tile kelen lajɛnba la salon, bɛɛ jagwɛlɛya u ka segi k’u kalan walisa k’u yɛrɛw labɛn waajuliko lajɛn kama lɔgɔkun nata la. Ɲɛyirali fila: Tɛmɛ sɛbɛ nin ɲɛɛ 8nan ka ladiliw fɛ (wala kalo tɛmɛnen taw fɛ) ka La Tour de Garde ni Réveillez-vous ! kuramanw yiracogo kɛ. Ɲɛyirali kelen kelen kɛtɔ, ɲɛfɔli ka kan ka kɛ zurunali kelen dɔrɔn kan, nka zurunali fila bɛɛ ka kan ka di a tigi ma. Ɲɛyirali kelen kɔnɔ, a yira cogo min na an be se ka see sɔrɔ kuma tigɛbagaw ka sɔsɔli nin kan: “Ne mako t’a la.”—A filɛ gafe Comment raisonner ɲɛɛ 16nan kɔnɔ.

mn 20: A’ ye baara kɛ ni Hakili senu ka npan ye (Efes. 6:17). Tɛmɛ École du ministère ɲɛɛ 143-4nan fɛ ka baro kɛ ni lamɛnnikɛlaw ye. A ɲini u fɛ u ka ɲiningali ninw jaabi: (1) Mun na an be baara kɛ ni Bibulu ye n’an be mɔgɔw ka ɲiningaliw jaabi? (2) Tɔgɔ min b’an kan ko “Jehova Seerew”, o be mun lo yira an koo la? (3) Yesu ye ɲɛyirali juman di? Ani, cogo juman na an be se k’a sennɔ ta? (4) An ka kiinw kɔnɔ, an be se ka baara kɛ ni Bibulu ka miiriyaw ye cogo barikaman jumanw na? (5) Mun na a ka ɲi an ka sin ka kalan kɛ Bibulu yɛrɛ kɔnɔ tuma o tuma n’an be se? (6) Cogo juman na diinan mɔgɔkɔrɔw be se ka mɔgɔ wɛrɛw jagwɛlɛya u ka baara ɲuman kɛ ni Bibulu ye? Ɲɛyirali dɔ labɛn koɲuman: weleweledala setigi dɔ be baara kɛ ni gafe ɲɛɛ 144nan ka hakilinataw ye. A be bibulusen kelen kɔni ta ka ɲiningali dɔ jaabi. Dusu don bɛɛ la u ka baara kɛ ni Bibulu ye tuma o tuma n’u be seereya di mɔgɔw ma.

mn 13: Kafo ka walew. A’ y’a ɲini weleweledalaw fɛ u ka wale dɔw lakali: u ye minw sɔrɔ u tagatɔ lajɛnba la, wala u segitɔ, wala senfɛ seereya ditɔ baarakɛyɔrɔ la, lakɔliso, wala yɔrɔ wɛrɛ la.

Dɔnkili 52nan ani kuncɛli delili.

Novanburukalo tile 3nan lɔgɔkun

Dɔnkili 147nan

mn 5: Kunnafoniw.

mn 15: Kafo ka makow.

mn 25: I ka nafolotigiya kɛwale ɲumanw kɛli la (1 Tim. 6:18). Diinan mɔgɔkɔrɔ dɔ be tɛmɛ ɲiningali ninw fɛ ka baro kɛ ni lamɛnnikɛlaw ye. U be kuma salon ka tile kelen lajɛnba ka kalan kan. A ɲini kafodenw fɛ u k’a lakali cogo min na u sera ka kalan sira tagama (dɔw be se ka kɔn k’u yɛrɛw labɛn walisa ka jaabiliw di). A’ ye sinsin lajɛnba ka kalan yɔrɔ ninw kan: (1) “Tɔnɔba be sɔrɔ kɛwale ɲumanw fɛ.” (Waaj. 2:11). Ala ka Kuma be baara ɲuman minw lakali, mun na Ala sagokɛlaw b’o walew laɲini sanni u ka boliboli duniɲa nin ka fɛɛn nafantanw nɔfɛ? (2) “A’ ye kɛ nafolotigiw ye Ala ka miiriya la.” (Mat. 6:20). Cogo juman na dɔw ye ‘nafolo lajɛn u yɛrɛw ye sankolo la’, ani u ye nafa juman sɔrɔ o la? (3) “I k’i ka waajulibaara nafa bonya, i kɛtɔ ka bibulukalan kɛ ni mɔgɔw ye.” (om ɲɛɛ 91-2nan). Mun lo be se k’an dɛmɛ ka bibulukalan daminɛ ani k’a kɛ? (4) “Wale ɲumanw, suman tigɛ wagati la.” (Mat. 13:37-39). Kerecɛn fɔlɔw ye wale ɲuman jumanw ɲɛyira? Ani, cogo juman na Masaya baara jɛnsɛnna bi? (5) “A to i ka wale ɲumanw ka nɔɔrɔ la Ala kan.” (Mat. 5:14-16). Cogo juman na dɔw y’a to u “ka yeelen ka bɔ”? (6) “An ka denmisɛnw fo, sabu u ka wale ɲumanw be Jehova tando.” (Zab. 148:12, 13). An ka kafokulu kɔnɔ, cogo juman na denmisɛnw be tandoli lasera Jehova ma? (7) “An ka to ka kɛwale ɲumanw kɛ, ani an ka Jehova ka dugaw sɔrɔ.” (Ntal. 10:22). N’an ɲɛɛ gwannen be wale ɲumanw kɛli la, an be se ka duga jumanw sɔrɔ ka lase an yɛrɛ ma, an ka denbaya ma, kafo ma, ani ɔriganisasiyɔn kuru bɛɛ ma duniɲa kɔnɔ?

Dɔnkili 180nan ani kuncɛli delili.

[Footnotes]

I ka datigɛli kumaw kana miniti kelen bɔ. O kɔ, a kɛ ɲiningaliw ni jaabiliw baro ye.