Waajuliko Lajɛnw

I JANTO: Tile saba lajɛnbaw bena kɛ kalo minw na, An ka Masaya Cidenyabaara bena waajuliko lajɛnw labɛn lɔgɔkun kelen kelen bɛɛ kama. “An ka tagama Ala fɛ” lajɛnbaw kosɔn, kafow be se ka yɛlɛmani dɔw kɛ. Waajuliko lajɛn laban min bena kɛ ka kɔn tile saba lajɛnba ɲɛ, a’ ye miniti 15 ta ka ladili gwɛnenw lajɛ. O ladiliw be sɔrɔ kalo nin ka An ka Masaya Cidenyabaara lankana kɔnɔ. Saan 2005 feburukalo la, kafo ka waajuliko lajɛn kuru bɛɛ dɔ la, an bena kɔsegi lajɛnba ka hakilinata kunbabaw kan. Walisa k’o baro labɛn, an be se ka lajɛnba ka hakilinata nafamanw sɛbɛ: an b’a fɛ ka baara kɛ ni minw ye an ka ɲɛnamaya kɔnɔ wala waajuli baara la. O cogo la, an be se ka mɔgɔ wɛrɛw jagwɛlɛya an kɛtɔ k’a ɲɛfɔ cogo min na an sera k’o ladiliw sira tagama.

Awirili tile 12nan lɔgɔkun

Dɔnkili 23 (sb100-AR)

mn 10: Kunnafoniw. An ka Masaya Cidenyabaara lalɔnniyali minw bɛnnen be. Ɲɛyirali fila: Tɛmɛ sɛbɛ nin ɲɛɛ 8nan ka ladiliw fɛ ka La Tour de Garde ni Réveillez-vous ! kuramanw yiracogo kɛ. Ɲɛyirali kelen kelen kɛtɔ, ɲɛfɔli ka kan ka kɛ zurunali kelen dɔrɔn kan, nka zurunali fila bɛɛ ka kan ka di a tigi ma. Ɲɛyirali kelen kelen kɔnɔ, a yira cogo min na an be se ka see sɔrɔ kuma tigɛbagaw ka sɔsɔli nin kan: “Ne bolo degunnen be.”—A filɛ gafe Comment raisonner ɲɛɛw 19-20nan kɔnɔ.

mn 15: “An k’an seko fisaman di Jehova ma.”* Baro kɛtɔ dakun 4nan kan, a ɲini lamɛnnikɛlaw fɛ u k’a yira cogo tigitigi minw na an be se ka kanuya yira mɔgɔw la waajuli kɛtɔ.

mn 20: “An bɛɛ k’a tɔgɔ fɔ ɲɔgɔn fɛ.”* Kafo ka sekeretɛri lo b’o baro kɛ ni kafodenw ye. A be tɛmɛ barokun ka ɲiningaliw fɛ. Tile saba lajɛnbaw ka kalandiriye min be sɛbɛ nin lankana kɔnɔ, a’ ye tɛmɛ o fɛ k’a yira aw ka kafo bena lajɛnba kɛ loon minw na. A’ ye barokun “Hakilimaya domuni, wagati bɛnnen na” ka ɲiningali fila wala saba lawili walisa ka baro kuncɛ. An bena o barokun lajɛ lɔgɔkun nata la.

Dɔnkili 21 (sb100-AR) ani kuncɛli delili.

Awirili tile 19nan lɔgɔkun

Dɔnkili 58 (sb100-AR)

mn 8: Kunnafoniw.

mn 17: “An ka Yesu ka miiriya ladegi.”* A’ ye barokun ka ɲiningaliw bila. Baro kɛtɔ dakun 4nan kan, a’ y’a ɲini piyɔniye kɔrɔsigiw fɛ u k’a lakali u be duga minw sɔrɔla u ka baara la.

mn 20: “Hakilimaya domuni, wagati bɛnnen na.”* A’ ye barokun ka ɲiningaliw bila. Baro kɛtɔ dakun 2nan kan, a’ y’a ɲini kafoden kelen wala fila fɛ u ka lajɛnba dɔ ka koow lakali dɔɔni, u tɛ se ka ɲinɛ lajɛnba min kɔ. A’ ye barokun “An ka kɛ senumanw ye an tagamacogo bɛɛ la” ka ɲiningali fila wala saba lawili walisa ka baro kuncɛ. An bena o barokun lajɛ lɔgɔkun nata la.

Dɔnkili 17 (sb100-AR) ani kuncɛli delili.

Awirili tile 26nan lɔgɔkun

Dɔnkili 21 (sb100-AR)

mn 15: Kunnafoniw. Jateminɛ dantigɛli rapɔɔri. A’ ye weleweledalaw hakili jigi u ka awirilikalo rapɔɔri di. A’ y’a yira an bena gafe minw kofɔ mɔgɔw ye mɛkalo la. Ɲɛyirali fila: Tɛmɛ sɛbɛ nin ɲɛɛ 8nan ka ladiliw fɛ ka La Tour de Garde ni Réveillez-vous ! kuramanw yiracogo kɛ. Ɲɛyirali kelen kelen kɛtɔ, ɲɛfɔli ka kan ka kɛ zurunali kelen dɔrɔn kan, nka zurunali fila bɛɛ ka kan ka di a tigi ma. Ɲɛyirali kelen kɔnɔ, kafoden dɔ be seereya di a baarakɛɲɔgɔn wala lakɔli filankuru ma.

mn 15: Kafo ka makow.

mn 15: “An ka kɛ senumanw ye an tagamacogo bɛɛ la.”* A’ ye barokun ka ɲiningaliw bila. A’ y’a ɲini lamɛnnikɛlaw fɛ u k’a lakali cogo min na olu y’a kɔrɔsi lajɛnbaw la ko tagamacogo ɲuman be tandoli lase Jehova ma. A’ ye barokun “Fani doncogo saniman, min ka kan ni tandoli ye” ka ɲiningali fila wala saba lawili walisa ka baro kuncɛ. An bena o barokun lajɛ lɔgɔkun nata la.

Dɔnkili 17 (sb100-AR) ani kuncɛli delili.

Mɛkalo tile 3nan lɔgɔkun

Dɔnkili 23 (sb100-AR)

mn 10: Kunnafoniw. An delila ka koow minw labɛn vakansiw kama, a’ y’u lakali dɔɔni: Ka taga tile saba lajɛnbaw la, ka piyɔniye kɔrɔsigi baara kɛ, ka boon ladon, ani n’a sɔrɔ, ka ɲɛnagwɛ. Ni waajuli ma deli ka kɛ kafo ka kiin dɔw kɔnɔ, a’ y’a yira labɛn minw kɛra walisa baara ka kɛ o kiinw kɔnɔ kosɔbɛ. N’an be tagama la, wala ni vakansi koo wɛrɛw nana an ka delinankow yɛlɛma, an ka kan ka labɛn sɔbɛ kɛ walisa gwakalan, kafo ka lajɛnw ani waajulibaara kana bila kɔfɛ (Ntal. 21:5). A’ ye bɛɛ hakili jigi k’u ka rapɔɔriw di, u mana kɛ soo wala tagama la.

mn 15: “Kamalenw ni sunguruw: A’ ye Ala ka Kuma kalan!”* Kɔn ka labɛn kɛ walisa kamalen ni sunguru kelen wala fila k’a lakali u ye labɛn min kɛ walisa ka Bibulu kalan, ani u be nafa min sɔrɔla o la. Kamalenw ni sugunruw jagwɛlɛya u k’a laɲini ka Bibulu kuru bɛɛ kalan. Gafe École du ministère ɲɛɛ 10nan, dakun 4nan ka hakilinataw fara a kan.

mn 20: “Fani doncogo saniman, min ka kan ni tandoli ye.”* A’ ye barokun ka ɲiningaliw bila. Vɛrise minw kofɔra, a’ y’u kalan ka baro kɛ u kan ni wagati be yen.

Dɔnkili 72 (sb100-AR) ani kuncɛli delili.

[Footnotes]

I ka datigɛli kumaw kana miniti kelen bɔ. O kɔ, a kɛ ɲiningaliw ni jaabiliw baro ye.