Baara kɛ ni gafe nin ye ka mɔgɔw ka limaniya barika bonya Jehova ani Yezu koo la: Ɲɛnamaya kɛ hɛɛrɛ la fɔɔ abada!

Bibulu kalandenw ka ɲi ka kɛ ni limaniya barikaman ye walisa k’u koo diya Ala ye (Eburuw 11:6). An be se ka u dɛmɛ o la n’an be baara kɛ ni gafe nin ye: Ɲɛnamaya kɛ hɛɛrɛ la fɔɔ abada!. Vɛrise jɔnjɔnw, ɲiningaliw, hakilinata ɲumanw, desɛn cɛɲumaninw ani videwo diimanw be sɔrɔ o gafe kɔnɔ. N’an b’an ka Bibulu kalandenw dɛmɛ u ka kɛ ni kerecɛn jogow ye ani u ka teriya kɛ ni Jehova ye, a be i n’a fɔ an be lɔli kɛra ni minɛw ye tasuma tɛ se minw kɔrɔ.—1 Kor. 3:12-15.

Komi mɔgɔ tɛ se ka Ala ye, a ka gwɛlɛ dɔw ma k’a miiri ko u be se ka kɛ Ala teri ye. O la, an ka ɲi k’u dɛmɛ u k’u ka limaniya barika bonya Jehova koo la.

VIDEWO NIN FILƐ: BAARA KƐ NI GAFE NIN YE KA MƆGƆW KA LIMANIYA BARIKA BONYA JEHOVA KOO LA: ƝƐNAMAYA KƐ HƐƐRƐ LA FƆƆ ABADA!. O KƆ, ƝININGALI NUNU JAABI:

• An b’a lɔn cogo di k’o balimamuso y’a yɛrɛ labɛn koɲuman bibulukalan kama?

• A ye baara kɛ ni ɲiningali ɲuman dɔw ye cogo di walisa k’a ka kalanden dɛmɛ a k’a ka miiriya fɔ Ezayi 41:10, 13 koo la?

• Videwo ani vɛrisew ye mun lo kɛ Bibulu kalanden na?

Mɔgɔ caaman tɛ kunmabɔsara koo faamu, wala u t’a jati k’o ye nilifɛn ye Ala ye min kɛ olu yɛrɛ ye (Gal. 2:20). O kama, an ka ɲi k’u dɛmɛ u ka limaniya kunmabɔsara koo la.

VIDEWO NIN FILƐ: BAARA KƐ NI GAFE NIN YE KA MƆGƆW KA LIMANIYA BARIKA BONYA YEZU KOO LA: ƝƐNAMAYA KƐ HƐƐRƐ LA FƆƆ ABADA!. O KƆ, ƝININGALI NUNU JAABI:

• An b’a lɔn cogo di k’o balimacɛ y’a yɛrɛ labɛn koɲuman bibulukalan kama?

• Barokun minw be sɔrɔ yɔrɔ nin na: “Nunu lajɛ fana,” a ye baara kɛ n’u ye cogo di ka kalanden dɛmɛ?

• Mun na delili nafa ka bon kosɔbɛ kalanden ma?