Ka jaaw bato: Bibulu be mun lo fɔ o koo la?

Zurunali Catholic News Service ka fɔta la, seli dɔ sen fɛ min kɛra baziliki Saint-Pierre kɔnɔ saan 2022, marisikalo tile 25nan na, papu Faransuwa lɔra Mari jaa ɲɛfɛ, “k’a ɲɛɛw datugu, k’a kungolo biri ani ka delili kɛ a kɔnɔ.” A “ye Mari deli” ko a k’a to hɛɛrɛ ka kɛ duniɲa kɔnɔ. Zurunali Vatican News y’a fara a kan ko “papu ye adamadenya kalifa Mari dusukun jurumuntan ma, ka Irisi ni Ikrɛni jamanadenw kalifa a ma kɛrɛnkɛrɛnninya la.”

E be mun lo miiri o koo la? A bɛnnin lo ka delili kɛ jaaw ɲɛfɛ, wala ka tɛmɛ jaaw fɛ ka delili kɛ wa? A filɛ min fɔra bibulusen nunu na:

• “I kana ja dɛsɛnɛn si dila i yɛrɛ ye wala fɛɛn si bisigi, sankolo la fɛɛn o, dugukolo kan fɛɛn o, dugukolo jukɔrɔ jii la fɛɛn o. I kana i biri u kɔrɔ, i kana baara kɛ u ye, katuguni ne Jehova i ka Ala, keleya be ne la.”—Ɛkizɔdi 20:4, 5, Bible Senuma, 1961.a

• “Siya wɛrɛ nunu ka joow ye sanu ni warigwɛ ye. Mɔgɔw le y’u dilan. Daa b’u fɛ, u te se ka kuma. Ɲadenw b’u fɛ, u te se ka yeli kɛ. Tulo b’u fɛ, u te mɛnni kɛ. Nuun b’u fɛ, u te kasa mɛn. Bolo b’u fɛ, u te se ka foyi kɛ n’o ye. Seenw b’u fɛ, u te se ka taama. kumakan te se ka bɔ u gɔnɔ na. Mɔgɔ minw y’u dilan, ani minw b’u yɛrɛ kalifa u ma, olu ka kɛ i ko joo nunu.”—Zaburuw 115:4-8.

• “Ne ye Jehova de ye, o ye ne tɔgɔ ye. Ne tena ne nɔrɔ di dɔ wɛrɛ ma. Ne tena ne tanuli di ja dɛsɛnɛnw ma.”—Ezayi 42:8, Bible senuma, 1961.

• “Aw ye bori josɔn ɲa.”—1 Korɛntikaw 10:14, Biblu Ala ta Kuma.

• “A’ ye aw yɛrɛw kɔlɔsi boli batoli la.”—1 Zan 5:21, Bible senuma.

Ka tɛmɛ jaaw fɛ ka Ala bato, n’i b’a fɛ k’a lɔn Bibulu be min fɔ o koo la, barokun nin kalan: “Bibulu be min fɔ: Jaaw.” Wala, videwo nin filɛ: Ala b’a fɛ an ka tɛmɛ jaaw fɛ k’ale bato wa?

N’a sɔrɔ a bena diya i ye fana k’a lɔn Bibulu be min fɔ koo nunu na:

• “Mariyamu senu: Bibulu be mun lo fɔ a koo la?”

• “Mɔgɔ ka ɲi ka Mariyamu senu deli wa?”

• “Miracles et apparitions — Des manifestations divines?”

• Hɛɛrɛ dugukolo kan: O bena kɛ cogo di?”

Photo credit: Vincenzo Pinto/AFP via Getty Images