Mɔgɔ miliyɔn 6 sara COVID-19 bana kosɔn: Bibulu be mun lo fɔ o koo la?

Jɛnkulu min be kɛnɛyako kun na duniɲa kuru bɛɛ kɔnɔ (OMS), ale ka fɔta la, fɔɔ ka na se saan 2022 mɛkalo tile 23nan ma, COVID-19 bana ye mɔgɔ miliyɔn 6,27 lo faga. Nka o jɛnkulu ka rapɔɔri dɔ la min tun bɔra saan 2022 mɛkalo la, a tun yirala ko minw sara o bana kosɔn, u hakɛ ka ca ka tɛmɛ o kan fɔɔ ka taga ka na. A fɔra o rapɔɔri kɔnɔ ko saan 2020 ani saan 2021 kɔnɔ, “COVID-19 fɔɲɔbana ye mɔgɔ minw faga, wala mɔgɔ minw sara o bana nɔfɛkow kosɔn, u hakɛ tun ye mɔgɔ miliyɔn 14,9 ɲɔgɔn lo ye.” Bibulu be mun lo fɔ o balawow ɲɔgɔn koo la minw ye mɔgɔ caaman dusu kasi?

Bibulu tun kɔnna k’a fɔ ko fɔɲɔbanaw bena kɛ minw tun bena mɔgɔ caaman faga

• Yezu tun kɔnna k’a fɔ ko “fɔɲɔbanaw” wala “banajuguw” bena kɛ yen wagati dɔ la min be weele ko “laban tuma.”—Luka 21:11, Biblu Ala ta Kuma; 2 Timote 3:1.

O kiraya kuma be dafara bi tile la. N’i b’a fɛ ka dɔ lɔn o koo la, barokun nin kalan: “«Quel est le signe des « derniers jours », ou « temps de la fin » ?”

Bibulu ka kumaw be mɔgɔ dusu saalo

• “Ala . . . lo be mɔgɔ bɛɛ jigi tugu. Ale lo b’an jigi tugu an ka tɔɔrɔ bɛɛ la.”— 2 Korɛntikaw 1:3, 4.

Minw ka mɔgɔ sɔbɛ dɔ sara, Bibulu be min fɔ, o ye u caaman dusu saalo. N’i b’a fɛ ka dɔ lɔn o koo la, barokun nunu kalan: “«Comment revivre : ce que vous pouvez faire” ani “«Une aide incomparable.”

Bibulu b’a yira cogo min na o gwɛlɛyaw bena ɲɛnabɔ pewu

• “I ka masaya ka na. I sago ka kɛ dugukolo kan i ko a be kɛ sankolo la cogo min na.”—Matiyo 6:10.

Yanni dɔɔni, “Ala ka masaya” sababu la, mɔgɔ “si ten’a fɔ ko: ‘Ne man kɛnɛ.’ ” (Mariki 1:14, 15; Ezayi 33:24). O sankolola gofɛrɛnɛman ye mun lo ye, ani a bena mun lo kɛ? Videwo nin filɛ o koo la: Ala ka Masaya ye mun lo ye?

A ɲini k’a lɔn Bibulu be min fɔ o koo la. O la, ladili ɲumanw ani layidu kuma minw be sɔrɔ Bibulu kɔnɔ, e n’i ka denbayamɔgɔw bena se ka nafa sɔrɔ u la.