U ye mɛnni kɛ Sutana fɛ: Mun lo sɔrɔla o la?

Adama ni Awa ma mɛnni kɛ Ala fɛ, o kama u sara. Zɛnɛzi 3:6, 23

Awa ye mɛnni kɛ saa fɛ ani a ye o yiriden dɔ dumu. O kɔ, a ye dɔ di Adama ma ani ale fana y’a dumu.

U tun ye koo jugu lo kɛ ten: jurumu tun lo. Ala y’u gwɛn ka bɔ alijɛnɛ kɔnɔ.

Ɲɛnamaya gwɛlɛyara u n’u deenw fɛ. U kɔrɔla ani u sara. U ma taga sankolo la, u ta banna pewu.

Mɔgɔ saninw tɛ niin na, u be i n’a fɔ buguri. Zɛnɛzi 3:19

An be sa sabu an bɛɛ ye Adama ni Awa deenw ye. Mɔgɔ saninw tɛ se ka yeli kɛ, ka mɛnni kɛ wala ka koo si kɛ.​—Waajulikɛla 9:5, 10.

Jehova tun t’a fɛ mɔgɔ ka sa. Yanni dɔɔni, a bena suuw lakunu. N’u ye mɛnni kɛ a fɛ, u bena to niin na fɔɔ abada.