An ka kan ka mun lo kɛ walisa k’an koo diya Ala ye?

Kana koo jugu kɛ. 1 Korɛntikaw 6:9, 10

N’an be Jehova kanu, koo minw ka gwo a ye an tɛna u kɛ.

Jehova t’a fɛ an ka sonyali kɛ, an ka dɔrɔgi min wala an ka kɛ dɔlɔtɔw ye.

Ala be mɔgɔfaga, kɔnɔtiɲɛ ani cɛɲɔgɔnɲini haramu. A t’a fɛ an ka kɛ wasabaliw wala kɛlɛkɛlaw ye.

An man kan ka boliw bato, wala ka lagwɛri n’a ɲɔgɔnnakow kɛ.

Alijɛnɛ min bena na kɛ dugukolo kan, kojugukɛla si tɛna sigiyɔrɔ sɔrɔ yen.

Koo ɲuman kɛ. Matiyo 7:12

N’an b’a fɛ k’an koo diya Ala ye, an ka kan k’a ɲini k’a ladegi.

An ka kan ka mɔgɔw minɛ ni kanuya ni ɲumanya ye ani k’u sɔn.

An ka kan ka kɛ hɔɔrɔnw ye.

I ka kɛ hinɛtigi ye ani ka yafali kɛ.

Jehova n’a ka siraw kofɔ mɔgɔw ye.​—Ezayi 43:10.