KALANSEN 17

Hakilinata minw faamuyali ka nɔgɔ

1 Korɛntikaw 14:9

MIIRIYA JƆNJƆN: I lamɛnbagaw dɛmɛ u k’i ka kumaw kɔrɔ faamu.

I ka kalan sɛgɛsɛgɛ koɲuman: A ɲini k’i ka kalan faamu koɲuman walisa i ka se k’a ɲɛfɔ cogo nɔgɔman na ani i yɛrɛ kumacogo la.
Baara kɛ ni kumasen surunw ye minw faamuyali ka nɔgɔ: Koo jugu tɛ ka kumasen janjanw fɔ, nka a ɲini ka miiriya jɔnjɔnw ɲɛfɔ ni kumasen surunw ye.

Kana hakilinata misɛnman caaman fɔ minw bena mɔgɔw hakili ɲagami ani k’u degun. Kuma nɔgɔmanw fɔ sanni k’a ɲini ka kuma babaw fɔ.
Kumaden minw faamuyali ka gwɛlɛ, u kɔrɔ ɲɛfɔ: N’a be se ka kɛ, i lamɛnbagaw tɛ kumaden minw lɔn, kana u fɔ. N’i ka kan ka kumaden dɔ fɔ u tɛ min lɔn, i k’o ɲɛfɔ. A be se ka kɛ mɔgɔ dɔ ye min kofɔra Bibulu kɔnɔ, fɔlɔfɔlɔ mɔgɔw ka sumanikɛ fɛɛn dɔ wala u ka landa dɔ.