Kana siran ka seereya kɛ

Yezu y’a kɛ cogo min na

VIDEWO: Yezu be Zase waaju

1. VIDEWO filɛ wala Luka 19:1-7 kalan. O kɔ, ɲiningali nunu jaabi:

1. Mun na mɔgɔ dɔw tun tɛ sɔn ka gwɛrɛ Zase la?

2. O n’a ta bɛɛ, mun lo ye Yezu lasun ka kibaro diiman fɔ a ye?

An be kalan min sɔrɔ Yezu fɛ

2. An mako be jagwɛlɛya la ka se ka Masaya kibaro diiman fɔ mɔgɔ bɛɛ ye.

Yezu ladegi

3. I jigi la Jehova kan. Yezu ye waajuli kɛ ni jagwɛlɛya ye Jehova ka hakili senu barika la. Jehova be se k’a ka hakili senu di ele fana ma (Mat. 10:19, 20; Luka 4:18). Jehova deli a k’i dɛmɛ i ka se ka mɔgɔ bɛɛ waaju, hali minw yɛrɛ be siranya bila i la.—Kɛw. 4:29.

4. Kana kɛ ni miiriya bɛnbali ye mɔgɔw koo la. An be se ka siran ka gwɛrɛ mɔgɔ dɔ la a tigi sawura, a lɔyɔrɔ, a ka ɲɛnamaya kɛcogo wala a ka lannakow kosɔn. Nka kana ɲinɛ ko:

1. Jehova ni Yezu lo b’a lɔn min be mɔgɔ dusukun na, an tɛ se k’o lɔn.

2. Mɔgɔ tɛ yen Jehova tɛ se ka min dɛmɛ.

5. Kana siran, nka koow kɛ ni bonya ye ani i yɛrɛ kɔrɔsi (Mat. 10:16). Kana sɔsɔli kɛ ni mɔgɔw ye. N’i y’a ye ko mɔgɔ dɔ t’a fɛ ka kibaro diiman lamɛn wala ko i latanganin tɛ, baro lalɔ ni bonya ye.—Talenw 17:14.