An ka to ka waajuli kɛ ka taga!

¹ Ala sago ye ko “bɛɛ ka kisi ka se ka tiɲɛn lɔn.” (1 Tim. 2:4). O kama, a ye cii di an ma ka kibaro duman waajuli kɛ (Mat. 24:14). N’an y’a faamuya Fɛɛn min kama an ka kan ka waajuli kɛ ka taga, foyi si tɛna an bali: farifaga, walima haminanko.

² Mun na an ka kan k’an timinandiya? Haminankow ni ɲɛnakow ka ca duniɲa kɔnɔ, minw be mɔgɔ bila ka ɲina an ka kuma na wala u t’a kɛ sɔbɛko ye. O kama an ka kan ka to k’u hakili jigi Ala ka kisili cira la (Mat. 24:38, 39). Ka fara o kan, koow be yɛlɛma hadamadenw ka ɲɛnamaya kɔnɔ tuma bɛɛ. Hali duniɲa ka koow cogoya bɛɛ be se ka bari ka yɛlɛma pewu pewu loon kelen (1 Kɔr. 7:31). Sini, lɔgɔkun wala kalo nata, an ye mɔgɔ minw waaju, u be se ka kunko wala haminanko kuraw kunbɛn minw b’a to u bena an ka kibaro duman fɔli jate sɔbɛ la. Seere min ye tiɲɛn lase aw ma, yala aw t’a ka timinandiya waleɲumanlɔn wa?

³ Walisa ka Ala ka hinɛ sennɔ ta: Jehova be sabari ka wagati to a ka tɛmɛ sanni ka kiti tigɛ mɔgɔ juguw kan. A be tɛmɛ an fɛ ka to ka mɔgɔ tilennenw weele u ka segi ale ma ka kisili sɔrɔ (2 Piɛre 3:9). Mɔgɔw saya joli hakɛ bena kɛ an kun n’an y’a dabila ka Ala ka hinɛ cira weeleweeleda mɔgɔw ye ani k’u lasɔmi ko Ala ka kiti bena tigɛ u kan n’u m’u ka sira jugumanw bila (Ezek. 33:1-11). Hali ni mɔgɔw tɛ sɔn koɲuman an ka waajuli la tuma bɛɛ, an man kan abada ka saliya kɛ ka mɔgɔ kɔnɔgwɛw dɛmɛ ni jijali bɛɛ ye u ka Ala ka hinɛba diya lɔn.—Kɛw. 20:26, 27; Rom. 12:11.

⁴ Walisa k’an ka kanuya ɲɛyira: Jehova Ala lo ye cikan di, Yesu Kirista fɛ, ko kibaro duman waajuli ka kɛ dugukolo yɔrɔ bɛɛ la (Mat. 28:19, 20). Hali ni mɔgɔw be ban ka lamɛnni kɛ an fɛ, sababu lo an fɛ k’an ka kanuya n’an ka masirili yira Ala la an kɛtɔ k’an timinandiya ɲumanya kɛli la.—1 Yuh. 5:3.

⁵ An k’an cɛsiri ka to ka waajuli kɛ ka taga! An k’a kɛ ten ni kisɛya ye k’an to Jehova ka “kisili loon” na bele.—2 Kɔr. 6:2.