Aw ka fɛtaw ye jumanw ye kasɛti videwo nin kan: La Bible : une force dans votre vie

Walisa ka ɲiningali ninw jaabi, i k’i dusukunnata fɔ kasɛti videwo nin kɔnɔnako kan. (1a) Mun lo ye fanga di mɔgɔ miliyɔn caaman ma walisa u ka ɲɛnamaya kɛcogo yɛlɛma (Heb. 4:12)? (1b) An ka kan ka mun lo kɛ walisa k’o fanga nin sɔrɔ ani k’a to a k’an ka ɲɛnamaya yɛlɛma? (2) O tun ye Bibulusen jumanw kofɔ walisa ka furuɲɔgɔnmaw dɛmɛ ka: a) kuma ɲɔgɔnya kɛ cogo fisaman na, b) ani ka see sɔrɔ u ka dusubaya kan? (3) Kerecɛnw be furu jate cogo min na, o be denbaya ka ɲɛnamaya fisaya cogo juman na (Efes. 5:28, 29)? (4) Denmisɛnw bɛɛ mako be fɛɛn saba dɔw la, ani u b’a ɲini. Jehova kɛtɔ k’o fɛɛnw di a Dencɛ ma, a ye ɲɛyirali dafalen juman to bangebagaw ye? Ani olu be se k’ale sennɔ ta cogo di bi (Marka 1:9-11)? (5) Mun na bangebagaw yɛrɛw ka kan k’u deenw kalan Bibulu la? Ani, mun lo b’a yira ko a kɔrɔtalen lo k’o kɛ tuma o tuma (Dut. 6:6, 7)? (6) Bangebagaw be se k’a to gwakalan ka diya cogo juman na? (7) Ka fara Bibulu kalan kan, Ala ka Kuma be bangebagaw jija k’u deenw ɲɛsigi ni mun lo ye? (8) Bibulu ka ladiliw be se ka gwaw dɛmɛ ka see sɔrɔ wariko gwɛlɛya kan cogo di? (9) N’an y’u sira tagama, Bibulu ka kalan jumanw be dɔ bɔ kunkow kan ka taga kɛnɛya ta fan fɛ? (10) Ala ka Kuma kalanw ye ile yɛrɛ ka ɲɛnamaya fisaya cogo di? (11) N’an ye nin kasɛti videwo yira mɔgɔ dɔ la waajulibaara la, mun na a be se k’a tigi dɛmɛ ka sɔn ka Bibulu kalan?