La Bible : une force dans votre vie

Bibulu ye fanga di mɔgɔ miliyɔn caaman ma walisa u ka se k’u ka ɲɛnamaya kɛcogo fisaya. Bibulu ka sariya jumanw sira tagamani be se k’an dɛmɛ ka see sɔrɔ bi gwɛlɛyaw kan? Siga t’a la, a bena diya i ye k’o ɲiningali jaabili sɔrɔ i kɛtɔ ka videwo nin filɛ: La Bible : une force dans votre vie. O videwo ye DVD nin yɔrɔ filanan ye: La Bible : un livre historique et prophétique. Videwo saba lo be o DVD kɔnɔ. O videwo filɛli kɔ, i ka ɲiningali nunu jaabi ka filɛ:

1) Mun lo b’a yira ko Bibulu tɛ kitabu ɲumanba dama ye min ɲɔgɔn tɛ yen? (Heb. 4:12) 2) Ni Bibulu be se ka mɔgɔw dɛmɛ k’u ka ɲɛnamaya kɛcogo fisaya, mun na gwɛlɛyaw do ka ca hadamadenw kan ten? 3) Barokun kelen juman be sɔrɔ Bibulu kuru bɛɛ kɔnɔ? 4) U tun ye vɛrise jumanw kofɔ minw be se ka furuɲɔgɔnmaw dɛmɛ: a) k’u ka kumaɲɔgɔnya kɛcogo fisaya, b) ani ka see sɔrɔ u ka dusubaya kan? 5) Kerecɛnw be furu jati cogo min na, o be denbaya ka koow fisaya cogo di? (Efes. 5:28, 29) 6) Jehova ye ɲɛyirali dafalen juman di bangebagaw ma? (Marka 1:9-11) 7) Cogo juman na bangebagaw be se k’a to gwakalan ka diya? 8) Ka fara Bibulu kalan kan, Ala ka Kuma be bangebagaw jija u ka mun lo di u deenw ma? 9) Bibulu ka ladiliw be se ka denbayaw dɛmɛ ka see sɔrɔ wariko gwɛlɛya kan cogo di? 10) Bibulu ka ladili jumanw ɲɛsinna saniyako, dɔrɔgi, dɔlɔtɔya ani degun koo ma minw sira tagamani be dɔ bɔ kunkow la kɛnɛyako ta fan fɛ? 11) Bibulu ka layidu kuma jumanw be se k’an dɛmɛ? ( Job 33:25; Zab. 145:16) 12) Ala ka Kuma kalanw ye ile yɛrɛ dɛmɛ k’i ka ɲɛnamaya kɛcogo fisaya cogo di? 13) I be se ka mɔgɔ wɛrɛw dɛmɛ n’o videwo ye cogo di?