A kuun ye juman ye?

¹ Mun de kama an be Bibulukalan kɛ mɔgɔw ka soo? Walisa ka lɔnniya di u ma dɔrɔn? Ka mɔgɔw ka ɲɛnamaya fisaya? Walima ka yeelen don u ka siniɲasigi filɛ cogo la wa? Ayi. An ka laɲinita jɔnjɔn ye ka mɔgɔw kɛ Yesu Kirista ka kalandenw ye! (Mat. 28:19; Kew. 14:21). O de kama, an be kalan kɛ ni mɔgɔ minw ye, u mako b’a la ka jɛn ni kɔngeregasiyɔn ye. Walisa u ka ɲɛtaga sɔrɔ Alako ta fan fɛ, fɔɔ u ka kerecɛn ɔriganisasiyɔn waleɲuman lɔn.

² O dafa cogo: A daminɛ na dɔrɔn, to ka dusu don kalanden na a ka taga kɔngeregasiyɔn ka lajɛnw na (Heb. 10:24, 25). A ɲɛfɔ cogo min na lajɛnw bena a ka lanaya barikaya. U bena a dɛmɛ ka Ala sago kɛ ani ka jɛnɲɔgɔnya ɲuman kɛ ni mɔgɔ wɛrɛw ye, minw fana b’a fɛ ka Jehova tando (Zab. 27:13; 32:8; 35:18). N’i b’i ka kanuya n’i ka waleɲumanlɔn yira kɔngeregasiyɔn ni lajɛnw koo la, o lo bena nege don a la ka taga lajɛnw na.

³ Mɔgɔ kuraw mako b’a la ka faamuya ko Jehova ka ɔriganisasiyɔn ye balimaya jɛkulu ye duniɲa kuru bɛɛ kɔnɔ. Kasɛti videwo ninw yira u la: Les Témoins de Jéhovah : Un nom, une organisation, ani Toute la communauté de nos frères. U dɛmɛ u k’a waleɲuman lɔn ko duniɲa bɛɛ kɔnɔ, mɔgɔ miliyɔn caaman ye u yɛrɛkun di Jehova ma. Ani Jehova be tɛmɛna o mɔgɔw fɛ k’a sagoya dafa. A to o mɔgɔ kuraw k’a lɔn ko olu fana weelela ka baara kɛ Ala ye fana.—Esayi 2:2, 3.

⁴ Bibulu kalanden mana kɛ Yesu ka kalanden lakika ye, o ye ɲagaliba sababu ye dɛ. O de ye an ka laɲinita ye!—3 Yuh. 4.