To ka nafa sɔrɔ La Tour de Garde ani Réveillez-vous ! la

Labɛn min tun kɛra walisa ka La Tour de Garde ani Réveillez-vous ! sɔrɔ abɔneman fɛ lapɔsi la, sisan o bena lasa. An ka kan ka jijali kɛ walisa mɔgɔ minw b’an ka seereya sɔrɔ ani an yɛrɛw kana fɔn nimɔrɔ si kɔ.

An tɔgɔla taw: I tɔgɔla abɔneman mana lalɔ, zurunalikow baaraden sɛgɛrɛ walisa ka dɔ fara i ka komandi hakɛ kan. Bangebagaw ka komandi ka kan ka labɔri kɛ walisa u somɔgɔ kelen kelen bɛɛ k’a tɔgɔla ta sɔrɔ. I tɔgɔ sɛbɛ a kan walisa i kana ɲinɛ k’a di mɔgɔ wɛrɛ ma waajuli kɛtɔ. Zurunaliw mana se, balimacɛ minw sigilen be o baara kun na, u ka kan ka nimɔrɔ kelen kelen bɛɛ labila kelen kafo kɔnɔ.

Zurunaliw disira: weleweledalaw ka kan k’u jija ka zurunaliw disira sigi seen kan makodon mɔgɔw kama, minw bɛɛ b’a fɛ ka nimɔrɔ kelen kelen bɛɛ sɔrɔ. An kɛtɔ ka zurunaliw di o mɔgɔw ma, o be sira di an ma k’u makodon magwɛn ani ka Bibulukalan daminɛ.—A filɛ An ka Masaya Cidenyabaara ɲɛɛ 8nan kɔnɔ, saan 1998, ɔkutɔburukalo ta.

Minw cogoya be daan na: Ni mɔgɔ dɔ b’a mako don sɔbɛ la, ani a sigilen tɛ kafo si ka sigida la, a ka cogoya be se ka jate daan na. Ani, sira be se ka di a ma ka abɔneman kɛ. Ni mɔgɔ dɔ sigilen be kafo ka sigida la, ani cogoya si tɛ yen ka zurunaliw lase a ma zurunaliw disira sababu fɛ, nka n’a b’a fɛ sɔbɛ la k’u sɔrɔ, i ka taga o baro kɛ ni waajuliko ɲɛnabɔbagaw jɛkulu ye. Ni olu sɔnna, kafoli sɛbɛ (M-1 ani M-101) be se ka dafa walisa ka abɔneman kɛ a tigi tɔgɔ la.

An be jijali minw bɛɛ kɛ walisa ka Masaya weleweleda La Tour de Garde ani Réveillez-vous ! sababu fɛ, an ka la a la ko Jehova bena to k’o jijaliw duga!