Zurunaliw yiracogo

LA TOUR DE GARDE 15 août

“E ka miiriya la, kantigiya cogo kɔrɔtalenba ye mun ye? [A ka jaabili lamɛn.] Barokun nin b’a fɔ ka gwɛlɛya ko kantigiya ka kan ka kɛ tiɲɛn Ala ye. [Ɲɛɛ 5nan yira, ani 2 Samuɛl 22:26 kalan.] Yala i tun y’a lɔn ko ni mɔgɔw tun be kantigiya kɛ Ala ye, o tun be se k’u bali ka ɲɔgɔnw minɛ ni farinya ye wa? Ne y’a lɔn ko a bena diya i ye ka kalan sɔrɔ o koo la.”

Réveillez-vous ! 22 août

“Hadamadenw be yɔrɔ nɔgɔ. Yala i be jɔrɔla a la k’o koo tɛ se ka ɲɛnabɔ wa? [A ka jaabili lamɛn.] O gwɛlɛya fanba bɔra mɔgɔw ka tiɲɛni kɛli lo la. Yesu y’a ka kalandenw kalan k’u kana tiɲɛni kɛ. [Yuhana 6:12 kalan.] Zurunali nin b’a yira cogo min na Bibulu ka kalan be se ka denbayaw dɛmɛ u kana deli ka fɛɛnw fili joona.”

LA TOUR DE GARDE 1 sept.

“Yala i y’a kɔrɔsi ko yɔrɔ caaman na sigiɲɔgɔnw tɛ ɲɔgɔn lɔn i ko mɔgɔw tun b’a kɛ fɔlɔ la cogo min na wa? [A ka jaabili lamɛn.] Yesu ye miiriya kɔrɔtalen dɔ fɔ, min be mɔgɔ dɛmɛ ka kɛ sigiɲɔgɔn ɲuman ye. [Matiyu 7:12 kalan.] Zurunali nin b’a yira cogo min na an be se ka kɛ sigiɲɔgɔn ɲumanw ye, ani ka mɔgɔ wɛrɛw fana lasun k’o kɛ.”

Réveillez-vous ! 8 sept.

“Mɔgɔ caaman fɛ, bi ka ɲɛnamaya falen be sigasiga koow la. [Waajulikɛla 9:11 kalan.] Ɲɛminɛbaga bɛrɛbɛrɛ be se ka sɔrɔ min? [A ka jaabili lamɛn.] Mɔgɔ dɔw be tɛmɛ jatidenw fɛ ka filɛli kɛ. Yala i be se k’i ka siniɲasigi lɔn o fɛɛrɛ fɛ wa? I be se ka kunnafoni bɛrɛbɛrɛw sɔrɔ min siniɲasigi koo la? Réveillez-vous ! b’o ɲiningaliw jaabiliw di.”