Labɛn kura min kɛra Masaya Boonw ka tɔgɔla gafew kama

A saan caaman ye nin ye, duniɲa bɛɛ kɔnɔ, kafow ye nafa sɔrɔ Masaya Boonw ka tɔgɔla gafew la. A daminɛ na, u tun be weele Ala ka Mara cidenyabaara gafew marayɔrɔ. Fɔlɔ la, u tun ɲininen be kafo bɛɛ fɛ a k’a tɔgɔla gafew ɲini ka mara Masaya Boon kɔnɔ. Nka sisan, kafo caaman be lajɛn kɛ Masaya Boon kelen kɔnɔ. Ani, o kafo dɔw ye kaan wɛrɛ fɔbagaw ye. O kama, Masaya Boon kelen kelen bɛɛ kɔnɔ, a ka fisa kafow ka jɛn k’u tɔgɔla gafew mara yɔrɔ kelen na n’u be kaan kelen fɔ. Masaya Boon dɔw ka boonden ka ca ni kelen ye. O la, kafo minw be kaan wɛrɛ fɔ, u kelen kelen ka kan k’u tɔgɔla gafew marayɔrɔ sigi o boonden kelen kelen kɔnɔ.

An jigi b’a la k’o labɛn sababu fɛ, kɛnɛ bena labila Masaya boon kɔnɔ, ani dɔ bena bɔ musakaw la. Ka fara o kan, kafo fila wala kafo caaman ka tɔgɔla gafew mana fara ɲɔgɔnw kan ka mara yɔrɔ kelen na, u be ɲɔgɔnw dafa. Ni gafe dɔw kɛra sifa kelen ye, deen wɛrɛw be se ka bɔ ka mara gɛrɛ fɛ. Masaya Boon kura wɛrɛ mana lɔ, u be se ka mara yen. Ni ɔridinatɛri be Masaya Boon dɔ kɔnɔ, ani Watchtower Library CD-ROM be yen, o be se ka mɔgɔ nafa kosɔbɛ.

Balimacɛ dɔ bena Masaya Boon kelen kelen ka tɔgɔla gafew koo ɲɛnabɔ. A ka fisa ni cidenyabaara lakɔli kɔrɔsibaga dɔ be se k’o baara kɛ. A ka kan ka to ka gafe kuraw fara a kan. A ka kan ka tagamasiɲɛ bila gafe kelen kelen bɛɛ datugunan kɔnɔna kan k’a yira k’o gafe ye Masaya Boon ta ye. Saan kɔnɔ, a ka kan k’a sɛgɛsɛgɛ k’a filɛ ni gafe dɔ fɔnna, ani ni gafew cogoya ka ɲi. Masaya Boon tɔgɔla gafe si man kan ka ta ka bɔ Masaya Boon kɔnɔ.

Kafodenw bɛɛ be Masaya Boon ka tɔgɔla gafew nafa lɔn hali bi. An bɛɛ k’a yira k’an b’o labɛn nafa lɔn, an kɛtɔ k’o gafew minɛ ka ɲɛ, ani ka “Ala dɔnniya” ɲini u kɔnɔ.—Ntal. 2:5.