Aw Ka Ɲiningaliw Jaabiliw

◼ N’an be waajuli kɛ telefɔni fɛ, yala an ka ɲi k’a ɲɛfɔ cogo min na an ka baara musakaw be sara wa?

Waajuli kɛtɔ, an yɛrɛ mana mɔgɔ dɔ kunbɛn, an be se k’a ɲɛfɔ a ye ko duniɲa bɛɛ kɔnɔ, Jehova Seerew ka baara musakaw bɛɛ be sara niliw sababuw lo fɛ. Ani, an dusu ka di ka sɔn o nili ɲɔgɔnw na. Nka n’an be waajuli kɛ telefɔni fɛ, an man kan ka nili kofɔ a tigi ye. Sabu, dɔw be se k’a jati ko an be tɛmɛ telefɔni fɛ ka wari deli mɔgɔw fɛ. Jehova Seerew ka cidenyabaara tɛ jagoko ye cogo si la.—2 Kɔr. 2:17.

◼ Waajuli kɛtɔ telefɔni fɛ, an ka ɲi ka mun lo kɛ ni mɔgɔ dɔ y’a fɔ ko a t’a fɛ Jehova Seerew k’a weele tugun?

An ka kan ka sɔn a tigi ka ŋaniya la. A tigi tɔgɔ, ani o loon ka kan ka sɛbɛ ka don kiin sɛbɛ foroko kɔnɔ. O la, weleweledalaw tɛna a ɲini k’a weele tugun. Siɲɛ kelen saan o saan, o ɲɔgɔnna mɔgɔw tɔgɔw ka kan ka lajɛ kokura. Waajulibaara kɔrɔsibaga bena labɛn kɛ walisa weleweledala kolɔnbagaw, minw be koow kɛ nɛmɛnɛmɛ, u ka kuma o mɔgɔw fɛ k’a filɛ n’u ka ŋaniya yɛlɛmana.