U dɛmɛcogo dɔ

Kerecɛn lakikaw b’u sen don foroba cidenyabaara la, o min ye ka kibaro duman jɛnsɛn (Filip. 2:17). Walisa ka se k’o dafa, kitabuninw, sɛbɛninw ni sɛbɛ wɛrɛw labilara foroba kama kaan 20 na ɛntɛrɛnɛti kan, ladɛrɛsi nin na: www.watchtower.org. O site Web ma dabɔ walisa ka gafe kuraw tilan ka di Jehova Seerew ma. A ka laɲinita ye ka kunnafoni tigitigi labila foroba mɔgɔw ye Jehova Seerew ka kalan koo la: u be kalan min di Bibulu koo la.

A ma mɛɛn, gafe caaman wɛrɛw farala an ka site Web daganen kɔnɔ. O ye kitabunin Ala be mun ɲini an fɛ? ye kaan 220 ni kɔ la. Fana, k’a daminɛ ni saan 2004, zanwiyekalo tile fɔlɔ ani tile 8nan ka nimɔrɔw ye, La Tour de Garde ni Réveillez-vous ! bena to ka Sosiyete ka Web ladɛrɛsi yira u ɲɛɛ labanw na, kaanw bɛɛ la.

I be se ka baara kɛ n’o fɛɛrɛ ye cogo di? Ayiwa, n’a sɔrɔ i be se ka mɔgɔ dɔ kunbɛn, ani a be komi a tigi b’a mako don. Nka, a be kaan wɛrɛ dɔrɔn lo fɔ. N’a tigi be se ɛntɛrɛnɛti ma, i be se ka Sosiyete ka Web ladɛrɛsi yira a la La Tour de Garde wala Réveillez-vous ! ɲɛɛ laban na. O sira fɛ, a be se ka kitabunin Ɲini lajɛ a yɛrɛ ka kaan na sanni i ka segi ka na ni gafe dɔ ye a ka kaan na. Wala, i be se k’a ka makodon lase kafo wala jɛkulu dɔ ma, min b’o kaan fɔbagaw ka koow ɲɛnabɔ.