An ka Site Web daganin: A labɛnna anw ni mɔgɔ wɛrɛw nafa kosɔn
Yesu ye cii di an ma ko an ka Masaya kibaro diiman waajuli kɛ “diɲɛ yɔrɔw bɛɛ la . . . ka kɛ siyaw bɛɛ seere ye” (Mat. 24:14). Walisa k’an dɛmɛ k’o “baara bɛɛ kɛ ka dafa,” an ka site Web watchtower.org, jw-media.org, ani jw.org farala ɲɔgɔn kan ka kɛ site Web kelen ye o min ye jw.org ye.—2 Tim. 4:5.
“Diɲɛ yɔrɔw bɛɛ la”: Duniɲa kɔnɔ, adamadenw tilanyɔrɔ sabanan ɲɔgɔn be baara kɛ ni ɛntɛrɛnɛti ye. Mɔgɔ caaman be tɛmɛ o lo fɛ fɔlɔ k’u ka kunnafoniw sɔrɔ, sanko kanbelew ni sunguruw. Minw be ɲiningali kɛ Bibulu koo la, an ka site Web be jaabili sɔbɛw di u ma. A b’u dɛmɛ ka Jehova ka ɔriganisasiyɔn lɔn ani ka bibulukalan sɔrɔ cogo nɔgɔman na gwansan. O cogo la, duniɲa yɔrɔ minw na sababu bɛrɛ tun tɛ mɔgɔw fɛ ka Masaya kibaro lamɛn, u bena a sɔrɔ sisan.
“Siyaw bɛɛ”: Walisa seereya ka kɛ “siyaw bɛɛ ye,” fɔɔ Bibulu ka tiɲɛn kuma ka fɔ mɔgɔw ye kaan caaman na. Mɔgɔ minw be taga site Web jw.org kan, a ka nɔgɔ u fɛ ka kunnafoniw sɔrɔ kaan 400 ɲɔgɔn na u minw ɲɔgɔn tɛ sɔrɔ site Web si kan.
Baara ɲuman kɛ n’a ye: Site web jw.org kuraman labɛnkun tɛ ka seereya kɛ dannabaliw ye dɔrɔn. A labɛnna Jehova Seerew fana kosɔn. N’i be se ka ɛntɛrɛnɛti sɔrɔ, i k’a ɲini ka jw.org cogoya lɔn. Baara be kɛ n’a ye cogo minw na, u dɔw filɛ nin ye.
[Koorilen ɲɛɛ 3 kan]
(Sɛbɛ yɛrɛ lajɛ walisa k’ a faamu ka ɲɛ)
A kɛ ka filɛ
[Koorilen ɲɛɛ 3 kan]
1 www.jw.org sɛbɛ ladɛrɛsiw sɛbɛyɔrɔ la ɛntɛrɛnɛti kan
2 Site kɔnɔkow lajɛ i kɛtɔ ka butɔn digi barokun dɔ kan sanfɛla la wala numanbolo fan fɛ wala yɔrɔ minw na bolokunanden be sin.
3 Tɛmɛ i ka telefɔni, tablette wala a ɲɔgɔnna fɛɛn dɔ fɛ ka jw.org ɲini ɛntɛrɛnɛti kan. Ɲɛɛ min bena yɛlɛ, o bena dɔgɔya ka kɛɲɛ ni ekran fitininw ye, nka kunnafoniw tɛ yɛlɛma.