An ka gafe Écoute le grand Enseignant kofɔ mɔgɔw ye

◼ “E ka miiri la, yala duniɲa tun bena fisaya ni mɔgɔw tun be ɲɛnamaya kɛ ka kɛɲɛ ni kuma nin ye wa? [Matiyu 7:12a kalan. O kɔ, a tigi ka jaabili lamɛn.] Karamɔgɔba min ɲɔgɔn ma deli ka sɔrɔ, a ka kalan caaman be sɔrɔ gafe nin kɔnɔ.” Sapitiri 17nan ka jaaw n’u nɔfɛ kumaw yira ka gwɛ a tigi la.

◼ “Bi, bangebaga caamanba b’u jija ka tagamacogo ɲuman don u deenw kuun na. E ka miiri la, yala o kɔrɔtalen lo wa? [A tigi ka jaabili lamɛn. O kɔ, Ntalenw 22:6 kalan.] A kɔrɔsi k’u be bangebagaw jija u k’a daminɛ k’u deenw kolo kabini u denmisɛnman. Gafe nin labɛnna walisa k’u dɛmɛ o la.” Sapitiri 15, 18, wala 32nan ka jaaw n’u nɔfɛ kumaw yira ka gwɛ a tigi la.

◼ “Tuma caaman na denmisɛnw be ɲiningali dɔw bila minw b’u bangebagaw kabakoya. U dɔw jaabili ka gwɛlɛ, tiɲɛn tɛ? [A tigi ka jaabili lamɛn. O kɔ, 2 Timote 3:14, 15 kalan.] Timote bamuso n’a mamamuso y’a kalan Ala ka Kuma koo la kabini a denmisɛnman. Gafe nin be se ka bangebagaw dɛmɛ k’o ɲɔgɔn kɛ u deenw ye bi.” Sapitiri 11 ni 12, wala 34 ka taga 36nan ka jaaw n’u nɔfɛ kuma dɔw yira ka gwɛ a tigi la.