1) Ɲiningali, 2) vɛrise, ani 3) sapitiri

Gafe Qu’enseigne réellement la Bible ? yiracogo nɔgɔman dɔ filɛ: 1) A tigi ka fɛta ɲininga a fɛ, 2) vɛrise dɔ kalan, min be bɛn a ka fɔta ma, 3) gafe ka sapitiri min ɲɛsinna o ma, i k’o yira a la, ani i ka sapitiri jukɔrɔla ɲiningaliw kalan a ye. Olu lo be kalan ladon. N’i lamɛnbaga y’a mako don baro la, i be se ka tɛmɛ dakun fɔlɔw fɛ ka bibulukalan kɛcogo yira a la. O kɛcogo be se k’i dɛmɛ ka kalan daminɛ n’a tigi ye ɲɔgɔnye fɔlɔ yɛrɛ la, walima viziti kura kɛtɔ.

◼ “E ka miiri la, yala hadamaden gwansan be se ka Danbaga sebagayabɛɛtigi lɔn i n’a fɔ Bibulu b’a fɔ cogo min na yan wa?” I ka Kɛwale 17:26, 27 kalan, ani i ka mɛnni kɛ a tigi fɛ. O kɔ, i k’a ɲɛsin sapitiri fɔlɔ ma.

◼ “E ka miiri la, bi ka gwɛlɛyaw kosɔn, yala an be se ka jigitugu ni jigiya sɔrɔ, minw kofɔra yan wa?” I ka Romɛkaw 15:4 kalan, ani i ka mɛnni kɛ a tigi fɛ. O kɔ, i k’a ɲɛsin sapitiri 2nan ma.

◼ “Yɛlɛmani min kofɔra yan, n’a see tun be i ye, yala i tun tɛna o kɛ wa?” I ka Jirali 21:4 kalan, ani i ka mɛnni kɛ a tigi fɛ. O kɔ, i k’a ɲɛsin sapitiri 3nan ma.

◼ “E ka miiri la, ɲɛnamaya kɛcogo min kofɔra dɔnkili nin kɔnɔ, yala an deenw bena a diya bɔ loon dɔ la wa?” I ka Zaburu 37: 10, 11 kalan, ani i ka mɛnni kɛ a tigi fɛ. O kɔ, i k’a ɲɛsin sapitiri 3nan ma.

◼ “E ka miiri la, yala kuma ninw bena na dafa loon dɔ la wa?” I ka Esayi 33:24 kalan, ani i ka mɛnni kɛ a tigi fɛ. O kɔ, i k’a ɲɛsin sapitiri 3nan ma.

◼ “Yala i delila k’i yɛrɛ ɲininga ni mɔgɔ salenw be mɔgɔ ɲɛnamaw ka koɲɛw kala ma wa?” I ka mɛnni kɛ a tigi fɛ. O kɔ, i ka waaj. 9:5 kalan, ani i k’a ɲɛsin sapitiri 6nan ma.

◼ “E ka miiri la, yala an bena na an ka mɔgɔ sɔbɛ salenw ye tugun loon dɔ i n’a fɔ Yesu y’a fɔ cogo min na vɛrise ninw kɔnɔ wa?” I ka Yuhana 5:28, 29 kalan, ani i ka mɛnni kɛ a tigi fɛ. O kɔ, i k’a ɲɛsin sapitiri 7nan ma.

◼ “Mɔgɔ caaman be delili nin lɔn: ‘An Faa min be sankolo la.’ E ka miiri la, mun lo be se ka kɛ walisa Ala sago ka kɛ dugukolo kan i n’a fɔ sankolo la?” I ka Matiyu 6:9, 10 kalan, ani i ka mɛnni kɛ a tigi fɛ. O kɔ, i k’a ɲɛsin sapitiri 8nan ma.

◼ “Ciraya kuma nin tun be wagati nata dɔ kofɔ. E ka miiri la, yala o be bɛn an ka wagati ma wa?” I ka 2 Timote 3:1-4 kalan, ani i ka mɛnni kɛ a tigi fɛ. O kɔ, i k’a ɲɛsin sapitiri 9nan ma.

◼ “Mɔgɔ caaman b’u yɛrɛ ɲininga mun na duniɲa nin ka koow be juguyara ka taga. Ɲɛfɔli min kɛra yan, yala i delila ka miiri o kan wa?” I ka Jirali 12:9 kalan, ani i ka mɛnni kɛ a tigi fɛ. O kɔ, i k’a ɲɛsin sapitiri 10nan ma.

◼ “Ɲiningali dɔ kɛra yan. Yala i delila k’a jaabili ɲini ka lɔn wa?” I ka Job 21:7 kalan, ani i ka mɛnni kɛ a tigi fɛ. O kɔ, i k’a ɲɛsin sapitiri 11nan ma.

◼ “Ni mɔgɔw tun be Bibulu ka ladili nin sira tagama, yala dɔ tun tɛna fara denbaya ka hɛɛrɛ kan wa?” I ka Efes. 5:33 kalan, ani i ka mɛnni kɛ a tigi fɛ. O kɔ, i k’a ɲɛsin sapitiri 14nan ma.

N’an y’o kalan kɛ siɲɛ fila ka fara ɲɛyirali fɔlɔ ta kan, ani n’a be komi o kalan bena taga ɲɛ, an be se k’a jati an ka rapɔɔri kɔnɔ.