Zurunaliw yira cogo

Réveillez-vous ! 22 Avril

“Bi duniɲa kɔnɔ, mɔgɔ dɔw be komi u jigi tigɛlen be. Yala o fana be aw sɔrɔ tuma dɔw la wa? [A tigi ka jaabili lamɛn. O kɔ, Romɛkaw 15:4 kalan.] Mɔgɔ caamanba sɔnna a la ko a kɔrɔtalen be ka kɛ ni jigiya ye. Bibulu b’a yira kuun min kama an ka ɲi ka jigiya kɛ. A bena diya i ye k’o kuun wolonfila kalan Réveillez-vous ! nin kɔnɔ.”

La Tour de Garde 1 Mai

“Diinan kuntigi dɔw b’u sen don politikikow la walisa ka hadamadenw ka koow fisaya. Nka, a kɔrɔsi Yesu ye min kɛ tuma min na jama y’a ɲini k’a kɛ masacɛ ye. [ Yuhana 6:15 kalan.] Fɛɛn min be se ka hɛɛrɛ mɛɛnta lase mɔgɔ wɛrɛw ma, Yesu y’a ka miiriya bɛɛ la o kan. Zurunali nin b’o fɛɛn yira.”

Réveillez-vous ! 8 Mai

“Mɔgɔ caaman be gwɛlɛyaw kunbɛn u ka baarakɛyɔrɔ la. Dɔw ka baarakɛɲɔgɔnw b’u niin tɔɔrɔ yɛrɛ. Yala i b’a lɔn ko ladiliw be sɔrɔ Bibulu kɔnɔ minw be se k’an dɛmɛ ka see sɔrɔ o gwɛlɛyaw kan wa? [A tigi ka jaabili lamɛn. O kɔ, Ntalenw 15:1 kalan.] Zurunali nin be ladili nafamanw di o kan. U b’a yira cogo min na an be se ka to hɛɛrɛ la n’an baarakɛɲɔgɔnw ye.”

La Tour de Garde 15 Mai

“Hadamadenw be koo minw kɛ dugukolo kan, yala i delila k’i yɛrɛ ɲininga n’o be nɔɔ kɛ Ala la wa? [A tigi ka jaabili lamɛn.] A kɔrɔsi cogo min na an ka kɛwalew be se ka nɔɔ bila Ala ka dusukunnataw la. [Ntalenw 27:11 kalan.] Zurunali nin b’a yira cogo min na mɔgɔ dɔw ye Ala dusu diya. A b’a ɲɛfɔ cogo min na an fana be se k’o ɲɔgɔn kɛ.”