Zurunaliw yiracogo
Réveillez-vous ! 22 Nov.
“Saan 20 tɛmɛnenw na, mɔgɔw ye lɔnniya fisaman sɔrɔ SIDA bana koo la, ani a furakɛcogo la. O bɛɛ n’a ta, mɔgɔ caaman tɛ tiɲɛn lɔn a koo la. [Koorilen nin yira a tigi la: “Maana minw be fɔ SIDA bana koo kan.” O kɔ, a ka jaabili lamɛn.] Zurunali nin b’a yira cogo min na bangebagaw be se k’u deenw tanga o bana ma.” Dutɛrɔnɔmɛ 6:6, 7 kalan.
La Tour de Garde 1er Dec.
“Hadamadenw be daan na ni bɛgɛnw ye sabu, an be se ka ɲuman ni juguman faranfasi ka bɔ ɲɔgɔn na. Nka mɔgɔ caaman be koo juguw kɛ. E ka miiri la, mun na do? [A ka jaabili lamɛn. O kɔ, Jeremi 17:9 wala Jirali 12:9 kalan.] Zurunali nin b’a yira fɛɛn min be se k’an dɛmɛ ka ɲuman lɔn ani k’a kɛ.”
Réveillez-vous ! 8 Dec.
“Hadamadenw mako gwɛlɛn be teriya la. O koo ma yɛlɛma hali ni lɔnnikɛlaw ka fɛɛrɛw ye ɲɛtaga sɔrɔ. Nka yala i m’a kɔrɔsi ko a be se ka gwɛlɛya ka teriya sɔbɛ kɛ ni mɔgɔw ye bi tilew la sabu duniɲa ka koow be yɛlɛma yɛlɛma wa? [A ka jaabili lamɛn. O kɔ, Ntalen 18:24 kalan.] Zurunali nin b’a yira cogo min na an be se ka teri sɔbɛw sɔrɔ, ani cogo min na an be se k’u mara.”
La Tour de Garde 15 Dec.
“Nin wagati nin na saan kɔnɔ, duniɲa yɔrɔ caaman na, mɔgɔw be Yesu bangeli hakilijigi seli kɛ cogoya caaman na. Yala i b’a lɔn ko Bibulu ka ciraya kuma b’a yira ko Yesu bangeli lo ye hɛɛrɛ banbali sababu ye wa? [A ka jaabili lamɛn. O kɔ, Esayi 9:5, 6 kalan.] Zurunali nin b’a yira cogo min na o hɛɛrɛ koo bena dafa.”