Zurunaliw yiracogo

The Watchtower Dec. 1

“I be ɲiningali nin jaabi cogo di? [I k’o ɲiningali kalan zurunali kan. O kɔ, mɛnni kɛ a tigi fɛ.] Ala ka laɲinita ye ko siyaw bɛɛ ka bɛn ka kɛ kelen ye. [Zaburu 46:9, 10 kalan.] Siyaw bena bɛn ka kɛ kelen ye cogo min na, zurunali nin be Bibulu ka fɔta yira o koo la.”

The Watchtower Dec. 15

“Selilonw na, mɔgɔ caaman b’u jija ka ɲumanya ni hinɛ kɛ mɔgɔ wɛrɛ ye. E ka miiri la, yala duniɲa tun tɛna fisaya ni mɔgɔw tun be hinɛ kɛ ɲɔgɔn ye tuma o tuma saan kɔnɔ wa? [Mɛnni kɛ a tigi fɛ. O kɔ, 1 Piɛre 3:8 kalan.] Zurunali nin be hinɛ nafa n’a kɛcogo nafaman dɔw yira an na.”

Awake! Dec.

“E ka miiri la, yala an ka mɔgɔ sɔbɛ salenw bena ɲɛnamaya tugun wa? [Mɛnni kɛ a tigi fɛ.] Bibulu b’a fɔ ko mɔgɔ be se ka kunu ka bɔ saya kɔnɔ. [Zaburu 68:21 kalan.] Zurunali nin b’a yira mun na an man kan ka siran a ɲɛ ko saya ye fɛɛn bɛɛ laban ye kudayi.”

The Watchtower Jan. 1

“Mɔgɔ caaman be delili kɛ ko Ala ka Masaya ka na. Ɲɛyirali fɛ, a filɛ Yesu y’a ka kalandenw degi delili min na mɔgɔ caaman be min lɔn. [Matiyu 6:9, 10 kalan.] Yala i ma deli k’i yɛrɛ ɲininga o Masaya ye min ye, ani a bena na tuma juman? [Mɛnni kɛ a tigi fɛ.] Zurunali nin b’a yira Bibulu be min fɔ o koo la.”

Awake! Jan.

“Sanga ni wagati bɛɛ, fariyakow lara musow kan ani danbe ma la u kan i n’a fɔ cɛɛw. Mun na koow be ten do? [Mɛnni kɛ a tigi fɛ.] A filɛ Bibulu b’a ɲini furucɛw fɛ u k’u musow minɛ cogo min na. [1 Piɛre 3:7 kalan.] Zurunali nin be tɛmɛ Bibulu fɛ k’a yira cogo min na Ala ni Krista be musow jati.”