Aw Ka ƝIningaliw Jaabiliw

◼ Balima dɛsɛbagatɔ minw be jamana wɛrɛw la, cogo fisaman juman na an be se ka nili kɛ u dɛmɛni kama?

Tuma dɔw la an b’a mɛn ko kɔrɔbɔli, balawow wala gwɛlɛya wɛrɛ ye dɛsɛ bila an balimaw kan jamana wɛrɛ la. O ye balima dɔw lasun u sinna ka wari ci Sosiyete ka tɔnbolow ma o jamanaw la. Dɔw b’o dɛmɛ kɛ ani u b’a yira k’u b’a fɛ o wari ka di karisa ma, kafo dɔ ma, walima a ka ta ka boon dɔ lɔli baara kɛ.—2 Kɔr. 8:1-4.

Hali n’o kanuya wale ɲɔgɔn ka kan ni tandoli ye, tuma caaman na, mɔgɔ min b’o nili sifa kɛ a t’a kala ma ko makoya wɛrɛw be yen, kɔrɔtɔ be minw koo la ka tɛmɛ ale be min kala ma. Tuma dɔw la, a b’a fɛ ka dɛmɛ kɛ koo min kama, o koo ɲɛnabɔra ka ban. Ayiwa, an be se ka la a la ko niliw mana ci Sosiyete ka tɔnbolo dɔ ma duniɲa bɛɛ baara kama, Masaya Boonw lɔli kama, wala balawo dɔ kosɔn, baara bena kɛ n’o niliw ye ka kɛɲɛ n’a dibaga ka ŋaniya ye.

Tɔnbolow bɛɛ kɔnɔ, u ye balimawdege bɛrɛbɛrɛ barinankow ɲɛnabɔcogo la joona joona. A mana kɛ koo o koo ye, Sosiyete ka tɔnbolo be Koow Ɲɛnabɔla Jɛnkulu lalɔnniya a koo la. Ni tɔnbolo mako be dɛmɛ wɛrɛ la, Koow Ɲɛnabɔla Jɛnkulu b’a ɲini jamana wɛrɛw ka tɔnbolow fɛ u ka dɛmɛ kɛ. Walima, Koow Ɲɛnabɔla Jɛnkulu yɛrɛ be se ka sin ka wari ci o koo kama.—2 Kɔr. 8:14, 15.

O kama, nili minw bɛɛ lawilila duniɲa bɛɛ baara kama, boonw lɔli kama jamana wɛrɛw kɔnɔ, wala balawow kosɔn, u bɛɛ ka kan ka ci Sosiyete ka tɔnbolo ma, an sigilen be jamana min kɔnɔ. An be se ka tɛmɛ kafo bolo fɛ k’u ci, wala an be se ka sin k’u ci tɔnbolo ka biro ma. O cogo la, “Jɔnkɛ dannamɔgɔ hakiliman” b’a janto balimaw ka makoyaw la duniɲa bɛɛ kɔnɔ cogo tilennen na. A b’o kɛ n’a be tɛmɛ tɔnbolo ka labɛnw fɛ, Koow Ɲɛnabɔla Jɛnkulu ye minw bila sen kan.—Mat. 24:45-47; 1 Kɔr. 14:33, 40.