Zurunaliw yiracogo
Réveillez-vous ! 8 Mar.
“Saan o saan, jamanaw mako be esansi ni petɔrɔli n’a ɲɔgɔnna caaman wɛrɛ la. I ka miiri k’a filɛ, mun lo bena kɛ n’o fɛɛnw nana dɛsɛ loon dɔ? [A ka jaabili lamɛn.] Zurunali nin b’a yira hadamadenw ye ɲɛtaga min kɛ, u kɛtɔ ka fɛɛrɛ saniyalenw dilan mɔtɛriw ni bolifɛnw kama. A fana b’a yira mɔgɔ min ye dugukolonafolo bɛɛ Tigi ye.” Esayi 40:26 kalan.
La Tour de Garde 15 Mar.
“Duniɲa yɔrɔ bɛɛ la, mɔgɔw be Yesu ka kalan tando. [Darakan min be sɔrɔ zurunali ɲɛɛ 3nan, dakun fɔlɔ la, i k’o kalan.] Nka e ka miiri la, yala nafa b’o kalan na bi tile la, i n’a fɔ nin vɛrise be min fɔ wa? [Matiyu 5:21, 22a, kalan ani a ka jaabili lamɛn.] Zurunali nin b’a yira Yesu ye kalan min kɛ, ani cogo min na an be se ka nafa sɔrɔ a la.”
Réveillez-vous ! 22 Mar.
“Kuluw koo ka di mɔgɔ caaman ye u ka cɛɲumanya kosɔn. Nka, yala i b’a lɔn ko kuluw nafa ka bon ɲɛnamaya kama dugukolo kan wa? [A ka jaabili lamɛn.] Zurunali nin b’a yira fɛɛn min kama an mako be kuluw la, ani koo min b’u sɔrɔla bi. A fana b’a yira cogo min na Danbaga bena o dugukolonafoloba kisi.” Zaburu 95:4 kalan.
La Tour de Garde 1er Avr.
“Yala i y’a mɛn a fɔra ko lɔnnikow ni Bibulu be ɲɔgɔnw sɔsɔ wa? [A ka jaabili lamɛn.] Zurunali nin b’a yira cogo min na sɔsɔli daminɛna lɔnniko ni diinanko cɛ fɔɔ ka na se bi ma. A fana be daliluw yira, minw b’a yira ko lɔnni lakika ni Bibulu be ɲɔgɔnw ta.” Zurunali ɲɛɛw 6-7nan yira a tigi la. O kɔ, Waajulikɛla 1:7 kalan.